السلام عليكم ورحمة الله وبركاته حبيبتي وضاءة
الله ييسر أمر العزيمة عليكي كما يسرها علي يوم الخميس إلي راح أول عزيمة لي طبعا
أولا/ اليوم طبعا نظفي قسم الرجال من تغسيل الحمام والمغاسل وكنس مجلس الرجال والقسم كله وتمسيح السيراميك إذا كان سيراميك وتمسيح الأثاث بعدين حطي بالحمام فواحه والقسم كله بخريه بعوده وقفليه إلى وقت العزومه
ثانيا/ نظفي باقي البيت من غرفة الحريم والصالة والحمام ومسحي السيراميك ونظفي الأثاث وكنسي بخري غرفة الحريم وقفليها إلى وقت العزومه .
ثالثا/ اقترح تسوين إدام مشكل و صينيتين حلا ونوعين سلطة ونوع متبل طبعا هذا غير الفاكهة والمويه وعصير سفن
الحلا الأفضل تسوينه يوم الثلاثاء ويوم الأربعاء بالظهر أو العصر سوي الإدام و السلطات والمتبل
رابعا / أما إيش تقدمين مع القهوة والشاهي تمر ومعمول وبقلاوة وبيتي فور ترصينهم بصحن حلو وبطريقة حلوة والتمر ترشي عليه سمسم محمص وبدون محمص وجوز محمص وغير محمص وطبعين تسويها يوم الثلاثاء وتغليفيها .

فأرجو أني عطيتك إلي تبين ياقلبي وأرجو من الأخوات مايبخلون عليكي
17-11-1431 هـ, 06:54 صباحاً
 
الله يعينك
بماانك عروس انصحك لاتسوين حلا للقهوه جيبي سله شوكولاته من باتشي او اي محل +صينيه حلا بيتي مشكل
وفطاير مشكله واذا تبين بقلاوه جيبي وخلي المحل يزينها لك
ممكن تحطين للرجال صينيه شوكولاته مع بقلاوه
اما العشاء فسوي نوعين من الحلا في الليل يوم الثلاثاء علشان يبرد
والعشاء سوي جريش اذا تعرفين او مرق خضار (ايدام ) وسلطه خضراء او سلطه البقول (فاصوليا حمراء وذره وخيار وحمص حب وخس ..اللي تبين) وورق عنب
شوفي مافي وقت للتجارب اللي تعرفين تسوينه سو يــه لاتغامرين مثل اللي تسوينه ببيت اهلك من الضيافه بس جددي شوي
وحطي فواكه والماء بالكاسات المعلبه احسن وتوفير عليك
ماتشيلين هم التغسيل
البيالات والفناجيل جهزيها الظهر وحطيها بالمجلس وتاكدي من كل شي يكون جاهز قبل المغرب تعرفين يـأذن العشاء بدري
وبخري البيت قبل مايجون الضيوف
17-11-1431 هـ, 08:27 صباحاً
 


الساعة الآن 06:36 .