انا ما اعرف اسويها آآآآآآآخدها من حلويات المهااوي جاهزة

<
اقتباس مشاركة  (كريمة 99)
السلام عليكم
من شوي اتلقفت على ملفك الشخصي وشفت موضوعك فيه سالتي عن الكعك عرفته امي بتسويه دائما رائع كتير
بس هاد ما فيه تمر ما بعرف اذا قصدك عليه خبريني اعطيك الطريقة
هاد كعك يعني مالح تقريبا بالطحين وزيت الزيتون والبهارات بدون تمر اذا هو الي قصدك عليه راسليني وببعتك الطريقة




شفت موضوع تاني بتسالي فيه عن حلاوة الجبن انا بسويها كل فترة بتطلع رائعة عندي طريقة اخذتها من وحدة اخذتها من شيف دارسة في مدرسة حلويات بفرنسا هي اخترعت الطريقة اكتر من رائعة

المقادير
اول حاجة انت بتسالي عن الجبن العكاوي حطيتيه بحمام مائي غلط حبيبتي الجبن العكاوي ما بينحط بحمام مائي بينقع في الماء طول الليل وبتغيري الماء كل كم ساعة والجبن العكاوي الغير مملح مرة في بنده في الدمام قلي الي واقف على بيع الجبنة انو الجبنة العكاوية الي مو مالحة ما بتنفع للحلويات العربية متل الكنافة وحلاوة الجبن
لازم المالحة وتحليها
عندي لك هاي الطريقة بالجبنة الموزريلا المبشورة اسهل من العكاوية بكتير والنتيجة رائعة

المقادير
كيس جبنة موزريلا مبشورة 500 جرام
افضل نوع في هاي الوصفة جبنة البقرات الثلاث موزريلا المبشورة او بوك
لازم الجبنة تكون لونها ابيض متل الي ذكرتها ما بينفع مثلا جبنة فرسانا لانها مش بيضة كتير وفيها ملوحة اكتر
الجبنة انقعيها بماء فترة بسيطة نص ساعة كفاية وغيري عليها 3 مرات وصفيها كويس لا تخلي فيها ماء ابدا وخليها على جنب لحد ما تسوي الخلطة الي بكتبلك اياها

بتابع المقادير

1 كوب سميد خشن ضروري يكون خشن
ربع كوب زيت مازولا
1 و نص كوب حليب سائل
نص كوب سكر

الطريقة
بتخلطي الحليب والسكر مع بعض وعلى النار لحد ما يغلو انتبهي عليهم

على نار خفيفة في طاوة تيفال حطي الزيت والسميد خليه بتقلب شوي لحد ما يصير لونه ابيض لا تستغربي مش زهري قبل ما يبدا يحمر لونه بعد التقليب بكم دقيقة بيبيض خلاص بيكون الحليب وصل للغليان ابعديه عن النار وصبي السميد الابيض على الحليب

بعدين رجعيهم على النار وقلبيهم تقليب بسرعة راح يسمك الخليط انتبهي تقليب ما تكسريه وتحاولي تفتتيه اول ما يتماسك حطي عليه الجبنة الي صفيتيها كويس خليه دقيقة بس لحد ما تتجانس وتذوب الجبنة مع الخليط وبس صارت جاهزة للحشي الافضل تمديها وتحشيها وهي ساخنة
طريقتي انا باخد نص الكمية بحط على طاولة الفرد النايلون الاصق الخاص بتغليف الاطعمة بمدو على الطاولة وبعدين بجيب نص كمية العجينة وبمدها بالنشابة بشكل مستطيل متساوي وبحط الحشوة على بداية المستطيل بالعرض بلف لفة ونص وبقطع بالسكية بصير عندك انبوب طويل وقطعو كذا وحدة وبصفو في الطبق وبحط عليه الشيرة الي فيها ماء زهر وبزينو بالفستق
ان شاء الله تكوني فهمت الطريقة
ممكن بدل ما تحطي النايلون الاصق تحطي شيرة وتمدي عليها حلاوة الجبن حتى ما تلتزق بالطاولة
انا جبت مؤخرا من ايكيا قطعة خشب كبيرة شكلها مخصصة لفرد العجين رائعة

الحشوة اذ اتوفرت جبنة الريكوتا دوري عليها بالهايبر ماركت او السيفوي بتكون الذ حشوة على الاطلاق يعني بتطلعلك متل حلاوة الجبن الاصلية الي في سوريا
اذا ما اتوفرت الريكوتا بعطيك طريقتي في القشطة المطبوخة
2 كوب حليب سائل
نص كوب سميد ناعم جدا
بتخلطيهم على البارد وبعدين بتحطيهم على النار واستمري في التقليب لحد ما بسمك وبعد ما يبرد الخليط ضيفي عليه علبتين قشطة طازجة مثل المراعي افضل من القيمر
ااذا عندك مستكة عربية اطحني 3 حبات مع شويه سكر وحطي على الحشوة بتطلع رائعة اعتقد موجودة في محمصة الرفاعي
انتبهي ما تكون الحشوة سائلة يعني بعد ما تبرد حتتخن وتقدري تتحكمي فيها


في نوع جبنة عندا اسمها فريش موزريلا ما بعرف اذا متوفرة بالسعودية
رائعة جدا لهالوصفة بتجي في علبة متل علبة القشطة المراعي بس اكبر فيها الجبنة على شكل كرات وفيها ماي
ميزتها انو ما فيها ملح ابدا يعني بتشتريها وبتصفيها من الماي الي فيها وبتستخدميها في حلاوة الجبن بتطلع رائعة اذا ما اتوفرت ممكن بدالها الموزريلا المبشورة الي قلت لك عليها

وصحتين وعافية اذ جربتيها طمنيني وان شاء الله بتضبط معاك

مشكورة اختى كريمة راسلتني بالخاص وحبيت افيدكم


الساعة الآن 08:52 .