شحالكن يا الطيبات ،أبا أفتح لي لمحل لبضاعة جديدة ***** الله ، و ما أبا أكون الوكيلة التجارية لهم مجرد أبيع بضاعتهم ، و بضاعة غير ، شو المسمى التجاري القانوني للي أبا أسويه؟ وشو هي الاجراءات لفتح المحل في أبوظبي؟
و كيف أطلب من الشركة؟ و كيف أشحن البضاعة؟
أنا بعد أبغي أفتح محل بس ما أعرف كيف أتصرف
أم نصوووري..الي اعرف انج يوم تكوننين وكيله لماركه معينه..يكلف واااايد عليج انج بس تاخذين اسمهم و اتكونين الوكيل الحصري.. و الشركه الي تبين بضاعتها بتحدد لج تشترين كميه المفروض انها كبيره .. لانج بتكونين الوكيل مالهم..
اما اذا انتي بس تبين تيبين بضاعتهم من دون ما اتكونين الوكيل الحصري..اعتقد عاادي حاولي تتصلين بالشركه عن طريق الانترنت و اتشوفين اذا في مجال تشترين منهم بالجمله عن طريق الانترنت و شوفي شو شروطهم..لانه بعض الشركات اتقولج ما ببيع لج بالجمله الا انه ااترويني رخصة المحل و بعد لازم تشترين كميه محدده منهم

بالنسه لأجرأت المحل...اول خطوه احجزي اسم محلج التجاري من مكتب غرفة التجاره الي في بلدية بوظبي..بعدين تبدين في اجرأت رخصة المحل في البلديه..و بعدين بعد لازم اتسيرين العمل و العمال و اتخلصين اجرأت اوراق العمال الي بيشتغلون في المحل
التكاليف للرخصه ممكن اتكلفج من 4ألف الي 5 ألف
تكاليف العمل و العمال ممكن اتكلفج ما بين 3 ألف الي 4 ألف

****لله اكون افدتج
مشكورة يا شوشوو ، وما قصرتي ، و بعد يا سيدات الأعمال إذا في معلومات إضافية لا تبخلون علي ، أختكم تبا تستوي بزني ومن
بالنسبه لأخذ وكاله تجاريه لماركه معينه

هذا صعب جددددددا للمبتدئين

لان معظم الشركات ما تتفق مع أي حد الا مع أصحاب الخبره واللي يكون عندهم أصلا وكالات اخرى و يتأكدوم من شغلهم

ولهذا نجد أمثال كبار التجار الدوله الفطيم والفهيم و غيرهم .. يسهل عليهم أخذ أي وكاله حصريه لاي ماركه عالميه

ثانيا المبلغ التي تطلبه الشركه عاده يكون بالملايين

يعني أقل شركه سمعت عنها و هي مطعم Subway و هو موجود في الامارات لكن بدون وكيل ... يعني كل وكيل له فرع بس مب وكيل حصري في الدوله

و أي واحد يقدر يفتح المطعم طبعا بعد الاتفاق وياهم

و هم يطلبون أقل شي 100 ألف دولار يعني تقريبا 370 ألف درهم!!


أما الاجراءات الاخرى فأول شي يكون الاتفاق بين الطرفين و توقيع الاتفاقيه

و بعدها تصديق الاتفاقيه في الجهات الرسميه في بلد الشركه الام و من ثم في الامارات و تسجيلها في وزارة الاقتصاد و غرفة التجاره والصناعه

و بعده تبدأ الاجراءات العاديه مثل تسجيل الاسم التجاري ورخصة محل .. الخ


الساعة الآن 09:38 .