أفراح أمه حبيبتي أنا بغيت أخذ بضاعة بالجملة و أبيعها في المحل مب وكالة تجارية
موفقه الغاليه ، اتمنى اني أساعدج بس للأسف ما أعرف شئ في هالمواضيع


بنات ساعدوها


اختى لا تتراجعين عن الفكرة ترى أنا أشجع المواطنين لأني اكتشفت

انه أكثر التجار والمستثمرين في الدوله هنود


ما خلوا شئ حق أهل لبلاد
هلا أم نصوري

اختي هذا شي عادي ومافيه مشكله

بس تاكدي ان هالماركه اللي بتاجرين فيها مالها وكيل حصري عشان ما تخالفين القانون

لان الوكيل الحصري يكون هو المخول الوحيد لبيع الماركه في الدوله

أما اذا ما كان لها وكيل حصري فتقدرين تشترين من الشركه بالجمله و تبيعين مثل ما تبين

والاجراءات عاديه ما يبيلها شي

أول شي تسجيل اسم تجاري

تأجير المحل

توريد البضاعه وتجهيز المحل

و في نفس الوقت اصدار رخصه تجاريه و تسجيل عضوية غرفة تجاره و صناعه

بعدها تقدرين تفتحين المحل على بركة الله

و لا تنسين الدعايه

و أيضا لازم تسوين حساب العامل

اذا بتييبين حد من برع الدوله يعني على تأشيرة المحل لازم تسوين بطاقة منشأه في العمل والعمال وتراجعين الجوازات

أما اذا حد من داخل الدوله يكون أسهم في اصدار بطاقة عمل مؤقت و التكلفه ايضا أقل




و اي سؤال اضافي ان شاء الله ارد عليج

و بالتوفيق
توضيح لجميع الاخوات سيدات الاعمال او من تريدان تعمل مع الشركات والماركات انا انصح الجميع بان يراجع

الغرفه التجاريه في بلده لانهم سيوضحون الخط الذي لابد ان تسير عليه لتصل لنتيجه وتحذيري ياتي الى ان وللاسف

كثير من العرب والذين يشتغلون تحت اسماء شركات ويخاطبونك باسمها وفي النهايه تكتشفين بعدارسال المبلغ
المطلوب منك انكي قد وقعتي في قضية نصب واحتيال والقانون لايحمي المغفليين <<<عفوا للجميع على هذه الجمله
بس انا انبهكم من شركات وهميه
يعني خذي في بالك انك اي عقد تريدين ان تتاكدي منه قومي بتوثيقه من الجهه الحكوميه التجاريه في بلدك

والشركه لابد ان ترسل لك عقد مصدق من الجهه التجاريه في بلدهم ولابد ان تقوم وزارة الخارجيه حقتهم بالمصادقه

وانتبهي من شغلات الانتر نت (((مثال))) ممكن انك تتعاملين مع شركه وترسلين لهم مبلغ مائة الف ريال

بيرسلون لك بضاعتك باسرع وقت ويصيرون يعاملونك بشكل جدا رهيب وهم قصدهم انك تثقين وخليهم يحصلون

مبلغ اكبر والله معاد تدرين وينهم فيه وانا انصح بالتعامل في قضية الحسابات عن طريق الاعتمادات البنكيه مضمونه
100% لانهم ما يستلمون شي حتى تستلمين بضاعتك

المقصد من هذا انه اي شي تبيه اي وحده من سيدات الاعمال عليها استشارة لمره واحده من اي محامي شاطر
ولابد علشان تحمي نفسها تعرض العقد على المحامي لانه ترا بعض العقود تودي في داهيه

ولتضمن النجاح في اي مشروع

ضع الفكره
الدراسه
التخطيط
التنفيذ
التطوير


واي مشروع لابد ان يكون معد له خطه تسويقيه واضحة النقاط لانه بدون تسويق ودعايه واعلان لن يرضيك

مشروعك

ولاارسال اي استفسار خاص ارجو الارسال على الخاص

لذا وجب على التعاون والتوضيح للجميع
متمني للجميع التوفيق والنجاح
مشكورين و ما قصرتوا ، أنا فعلا كلمت الملحق التجاري لكذا سفارة،عشان آخذ عنهم الشركات المعتمدة عندهم و في نفس الوقت الممحامي عندي مطلع على كل الاجراءات يعني إذا في شي بيوضحلي ،وشكرا.


الساعة الآن 01:53 .