شمس راكبه جمس :

شوفي اهم شي نامي بدري واصحي من الصباح << والله ومن تجربه ما في احلا منها نشاط وبركه من الله وانطلقي للبيت اول شي رتبي غرفة نومك وشوفي اذا في غسيل حطيه بسلة الغسيل وبعده غرفة المعيشه رتبيها وافتحي الشباك عشان تتهوى وفضي سلة الزباله وانتي بكرامه ولمي العاب ولدك بسله او صندوق العاب يعني خلي الغرفه مرتبه وبعده الصاله رتبيها وكنسيها واذا سيراميك اشطفيها هي والمداخل والحمامات وطبعا افتحي شبابيك الغرف وشغلي المراوح عشان تتهوى وحطي غسيلك بالغساله وانتي تشتغلي بالبيت ما تجي الساعه 10 الا وانتي مخلصه انطلقي للمطبخ اجلي جلي الفطور وشوفي ايش بتسوي لك غدا وشوفي المطبخ اذا فيه شي مو مرتب رتبيه وطبعا غرفة الضيوف ومجلس الرجال لازم يكونو نظاف ومبخرين ومقفلتهم وكل يوم هويهم وقفليهم عشان اذا جوك ضيوف فجاءه وانو في مكان تستقبليهم فيه واذا خلصتي شغلك كافئي نفسك وسوي لك كوب كبتشينو ولا قهوه وجلسي على النت تحسي نفسك مرتاحه مررررررره وسوي غداكي وتغدو وغسلي مواعين الغدا بسرعه وقفلي مطبخك وتريحي نامي يا قلبوووووو والعصريات سوي لك صنف حلا ولا كيك مع قهوه يعني بالمختصر المفيد خلي كل شي منظم وشغلك يوميا خلصيه عشان ما يتراكم عليكي <<والله بتتعبي اذا تكاسلتي وطبعا اعملي لك جدول للتنظيف العميق شهريا او اسبوعيا على حسب قدرتك واستطاعتك يعني المطبخ خصصي له يوم بالاسبوع تلتزمي فيه تنظيفيه تنظيف عميق من غسل الدواليب للغاز للثلاجه للجدران اسبوعيا او اذا ماتقدري شهريا تشيكي عليه عشان ما يتراكم عليك الشغل وغرفة نومك بعد خصصي لها يوم ترتبيها وتعزلي الادارج والدولاب وتخلصي من اي ملابس ما تحتاجينها لا انتي ولا ولدك وزجك ورتبيها وتصدقي فيها للجمعيات الخيريه عشان ماتتراكم عليك الملابس وغيري شرشف السرير وبخريه وعطريه ولو تحطي فواحه بالغرفه يكون افضل وباقي الغرف بعد والمجلس خصصي يوم تنظيف لهم عميق ترتيب وتعزيل ومسح عن الغبار والحمامات بعد تنظيف بذمه وضمير ههههههههههه والدرج ومدخل العماره خليه اسبوعيا تشطفينه وكل يومين امسحيه ولا تضغطين على نفسك بالشغل ترى كل الحريم يجيهم بعض الاحيان خمول وتكسيل :35: يعني خلي بيتك دائما مرتب عشان لو جتك الحاله ما تتورطين ههههههههههههههههههه والله يوفقك يا قلبي ويحفظ لك ولدك يارب وقبل لا انسى اوصيك قبل لا تنامين سبحي 33 مره واستغفري 33 مرررره والله والله انك تحسين بنشاط اول ما تقومين من النوم وصدق رسولنا صلى الله عليه وسلم لما وصى بها فاطمه الزهراء واي استفسار يا عسل من عنوني

شوفي اهم شي نامي بدري واصحي من الصباح << والله ومن تجربه ما في احلا منها نشاط وبركه من...