السلام عليكم ....

انا اتمنى وحده اتساعدني وتشور عليه...

انا الله يسلمكم عندي خبره واسعه في مجال الخلطات الطبيعيه للجمال... وشجعتني امي اني اسوي كتاب.... والمهم طبعت الكتاب وكلفني تقريبا 18000 والكتاب ابيعه ب25 درهم...
وعدد النسخ 3000 وهذا اقل شي يقدرون يطبعونه...

المهم خذت عني شركة التوزيع 7 كراتين والحمدلله خلصت كم كرتون على اصدقائنا والحمدلله نال اعجاب كل اللي اشتروه....

بس المشكله النسخ الي باقيه عندي وايده.... يعني بحدود 20 كرتون ... وشركة النشر وزعت في كل المكتبات في الامارات... بس المشكله هو كتاب للبنات... والبنات ما يروحون المكتبات... فأنا مب عارفه كيف ابيع اللي باقي عندي.... صراحه انا ما عندي خبره كيف اصرف باقي الكتب... وصراحه انا مادفعت حق شركة الطباعه غير الدفعه الأولى وهي 3000 ... عشان جي انا مفتشله... والريال الله يوفقه صابر عليه...

ممكن تعطوني أفكار أو تساعدوني.... وأكون شاكرة لكم....

اذا لج اخت مدرسة او اخت في الجامعة خليها تسوي لج دعاية

و اسالي عن معارض الكتاب اليي يسونها في الجامعات والمدارس واشتركي فيها

او وزعي اوراق دعايات عن الكتاب مع موزعين الجرايد وعطيهم عمولة عشرين درهم

واذا جت فكرة ثانية في بالي راح اقولج

سلام
ياحياتي حاسه فيك والله لكن ان شاءالله تلقين اللي يساعدك يارب لكن ماتقدرين تسافرين لاي ديره قريبه منك وتتفقين مع اي شركه توزيع ثانيه وتعطينهم نسبه مثلا ؟
اختي زين عندج فرصة تعرضينه عبر هالمنتدى.

لا تحاتين هالشيء يباله صبر.
مشكورين ويزاكم الله خير انا عرضته الحين...

بس اذا فيه وحده عندها تجاره نسائية ويمرون عندها بنات انا بغيت اعرض الكتاب عندها وبعطيها نسبه... واذا ممكن في الامارات...

ما بيكلفها شي بالعكس بعطيها نسبه عن كل كتاب تبيعه....

انتظر الرد....


الساعة الآن 12:45 .