ام عزوزي2011 @am_aazozy2011
عضوة جديدة
تعالوا شاركوني ياحبي لكم
بعد التحية والسلام ابدخل مباشرة في موضوعي وهو ان زوجي يعطيني اشتري كل اغراض البيت من صغير وكبير ومصاريف المدارس الخ وهو مشغول جدا مشكاتي انه اذاجا اخر الشهر صرت مفلسه وهو يستغرب وين راحت الفلوس هو يعطيني مبلغ وكل شئ فيه والله انه نعمه ان الرجل يقوم بكل شئ ولكن زوجي مايقدر لانه يامشغول يامسافر والحين مسافر زوجي الله يحفظه وانا مفلسه وصديقاتي بيجون عندي على العشاء دلوني الله يفرج لكم على طريقه اقتصد واوفر لاننا في عصر الكماليات صارت ضروريات والله المستعان
3
430
يلزم عليك تسجيل الدخول أولًا لكتابة تعليق.
golden eye
•
شوفي يا عمري انا كمان زوجي اغلب الشهر مسافر عشان شغله و يعطيني المصروف و كرت الصراف للضرورة ،، انا من نفسي اي شي اشتريه اكتبه على ورقة لو اشتري بريال كل شي على ورقة ، عشان اعرف فين صرفت الفلوس و اعرف فين راحت عشان حتى لما يسألني زوجي اعرف فين راحت مع انه ما يسأل بس برضه لازم اعود نفسي على النظام ،، واعرف اي قرش يروح فين ،، و بالنسبة لصديقاتك مافي داعي تكلفي نفسك اللي موجود عندك قدميه ،، ليش تكلفي على نفسك صحباتك جايين يتونسو و انتي كمان تبغى تنبسطي معاهم ،، سوي مكرونة عادية بصلصة و سلطات منوعة و عصير و يكفي ،، انا وحدة ما احب التبذير و لا المظاهر و الحمدلله زوجي عنده و ما يمنعني من شي بس سبحان الله طبعي كده و كل الناس عارفة ، البس اي شي في المناسبات بس يكون نظيف و مرتب و اي عزيمة في بيتي يكون متواضع و الضيافة جدا متواضعة ما احب التكلف و المظاهر بس عشان الناس تقول فلانة قدمت و فلانة سوت ،، انتي شوفي مصاريفك كيف و على اساسها اتصرفي مافي داعي تصرفي كل الفلوس اللي يعطيك هي زوجك،، لا افراط و لا تفريط ، يعني مو صحباتك جايين تجيبي كل شي او لازم عشاء معتبر ،، لا خليك طبيعية و اللي تحطيه لنفسك حطيه لهم ،،
الصفحة الأخيرة