السلام عليكم ورحمة الله وبركاته



اخواتي ابدخل في الموضوع على طول مااعرف للمقدمات
انا ياطويلات العمر عندي عزيمه بعد كم يوم
عزمت فيها جيراني واخواتي وكم وحده يعزون علي..~

وان شاء الله ابسوي العشاء بوفيه
بس متردده في الاصناف اللي بأحطها
فيه منها انا اطبخه وفي من برا
وابي رايكم بصراحه واذا عندكم اقتراح اسعفوني فيه..~
بس على شرط مايتعب لأن صحتي لكم عليها والحمد لله
بس ابي شي يشرف ..وانا خايفه البوفيه قليل مايكفي
هم تقريبا 20الى 23-24
ماادري كم بس الاكيد 20
وش رايكم؟؟؟؟؟؟




المنيو..

السلطات..~

-تبوله..ج
-بابا غنوج..ج
-سلطة مكرونه
-سلطة الملفوف والجزر بالمايونيز
-سلطة الخضراء بالجبن مكوناتها..(خس امريكي -حبات طماطم صغيره ماادري وش اسمها -وخيار اعواد مقشر
وجبن وزيتون)

المقبلااااات..~والمعجنات..~


-ورق عنب.ج
-سمبوسه محشيه لحم وبيض مسلوق
-سبرنق روول محشي دجاج بالخضاروالجبنه التشيدر.
-اقراص بيتزا
-بف نوعين بالجبن مثلثات وبصينة الكب كيك دوائر محشيه دجاج وموزاريلا على الوجه
-فطاير محشيه لحمه مع خضار ..
-كبه.ج


الصواني..~

-صينة كفتة الدجاج بالصلصه الحمراء
-صينةمكرونه بالباشميل.
- صينيةمصقع باذنجان وبطاطس باللحمه المفرومه
-صينيةدجاج بالفطر والكريمه
-صينية السبرنق روول

والطبق الرئيسي..~

مندي لحم نصف تيس..ج

الحلى ..~

فواكه مشكله
كيكة ايس كريم.. ج
كريم كراميل
تشيز كيك بالشكولاته

المشروبات..~

ماء
بيبسي
سفن


هذا غير الأطباق اللي بيجيبونها معهم بس والله ماادري عن نوعيتها
لاني قلت لهم لا تكلفون على عمركم بس اكيد على الاقل 4-5 بيجيبون
ها وش راااااااااااايكم؟؟؟
اللي جنبها ج يعني جاهز من برا..

في انتظاركم..

وادعوا لي تكفون ان ربي يتمم عزيمتي على خير واتجمل قدام ضيوفي
وان ربي يساعدني...


لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ماشاءالله عليك
مافوق تنظيمك وتخطيطك كلام

المنيو اللي اخترتيه ماشاءالله كثير ومنوع ولذيذ وحلوووو
الله يعطيك الصحه والعافيه
ويتمم عليك العزيمه على خير ويجملها وتكون احلى واروع عزيمه

وانا بس راح اقترح إقتراح واحد
ان كان من المعازيم حريم كبار وبما ان الجو الحين صار بارد
يمكن يكون احسن لو حذفتي صينيتين اوصينيه واستبدلتيها بطبق شعبي ..مثلاً
جريش او سليق او مطازيز او قرصان ..الخ
وانتي براحتك ..

موفقه يالغلا



تسلمين ياعمري..اختي وشلون مااغليك

هذا من ذوقك وفكرتك في محله وان بعد فكرت فيها بس وحده م لجارات الله يوفقها
تزهلت لي باالجريش وهي مشهوره فيه ماشاء الله لا يعلى عليه
عشان كذا قلت يكفي طبق واحد شعبي لان حنا ترى ماجانا البرد لسه الحر ذبحنا بجده

وين الباقين؟؟؟؟؟؟؟


وياليت اذا عندكم اقتراح للتقديم مع القهوه تدلون بآرائكم...ومشكورين مقدما
ماشاء الله تبارك الله منيو مره حلووو وبالعافية على قلوبكم
بالنسبة للقهوة
لو تبغي من برا عبي تبسي شوكولاتة م شوكولاين أو باتشي أو أنوش
وتبسي تمر من تالا


واذا بتسوي الحلى أنتي
جيبي تبسي كبير وسوي ثلاثة أنواع حلى وحطيها في ورق بليسيه ورتبيها
اقترح عليكي حلى الماركة وطبعا معروف
حلى الكريسبس(تسيحي جالكسي في حمام مائي وتحطي عليه شوية زبدة ولما يسيح تحطي عليه الكوكو بوبس<رايس كريسبس وتشكليه فأي قالب عندك ولو ماعندك في قوالب الثلج أو في قصدير وعالفريزر
بسبوسة محشية قشطة وزينيها فستق ولو ماعندك طريقتها أكتبها لك
وحطي معاهم تمر
وأي سؤال أنا في الخدمة..
الحمدلله رزقت بولد بتاريخ 10_6_1434
الله يحفظه هو وأخوانه

الله يعافيك حبيبتي ..في قلوب اربعه تسلمين ياقلبي ماتقصرين
يعني اكتفي بهذي الاطباق ماازيد عليها شي
في رايكم تكفي ؟؟

اما حلى القهوه انا راح اشتري شكولاته مثل ماقلتي ان شاء الله+ جوزبه

وراح اسوي حلى ثاني معاه بس ابغاه سهل بدون شوك ولا ملاعق وصحون عارفه
ماابي ازيد الشغل عليه عشان لما يجون الضيوف اكون مرتاحه بس البنات يدورون بالحلى وانا علي القهوه..


الساعة الآن 09:04 .