اقتباس مشاركة  (سلطانة 7)
طيب عندك الة المطازيز
اذا عندك بس حطي العجين به ورصي <<< من زين الشرح

والا كوريهن صغار وابدي بيدينك طع طع <<<مناك بس

قولي لهابسوي مطازيز مهب مرقوق اسهل لك

وشو طع طع والله من زين الشرح ههههههههههههههههههههه

لاماعندي

شكرا ياحلوه
25-11-1431 هـ, 10:15 مساءً
 
لمار القمر مشكوره يالغلا عالشكر
25-11-1431 هـ, 10:15 مساءً
 
اقتباس مشاركة  (لمار القمر)
شوفي ماحبيت اطلع بدون ما افيدك
انا ماأسوي المرقوق الا بالخبز الاسمر اقسمي الخبزه لدائرتين كلا" على حده <<< ام الوصف بس
اذا عندك بقاله قريبه اقمزي واطلبيه وسويه واضمن لتس مايدري ابد ولامن جاء تشكي من يديك قولي تملعت من كثر الرق وطاااالت <<<فيس يغمز عوينته ومطلع لسانه
بس لا اوصيك يكون مرقوقتس باللحم والقرع والكوسه الصغيره<<< والله شهيتيني بروح اسويه عشاء هههههههه
ولاتنسين اذا رحتي تقضين من السوبرماركت اجدلي من هالخبز وحطيه بالفريزر مايخرب لو بعد سنه ينفع للزنقات ولهيك تحديات
ايه وش بعد تراه بينسى مرقوق امه لو ذاق مرقوتس هذا
هههههههههههههههههههه

اجل تملعت من كثر الرق اقول لاتخلينا بس ههههههههههههههه

مشكوره عالمعلومه ياحبيلتس بس عساي القى خبز بر عند البقاله

هقوتس ينسى مرقوق امه صدق هههههههههههههههههه
25-11-1431 هـ, 10:18 مساءً
 
تلقينه جاهز عند محل القرصان قولي ابي رقاق مرقوق يعطيك اياه بس تطبخين اللحمة والخضار وتقطعينه وتخلطينه معه وماياخذ غير ربع ساعه طبخ
25-11-1431 هـ, 10:43 مساءً
 
شوفي يالغاليه سوي العجينه ماء وطحين اسمر اذا كان الطحين اللي باكياس من البقاله حطي معه شوي طحين ابيض

علشان مايتقطع معك واعجنيها بدري يعني قبل تسوينه بحوالي ساعتين ونص ولفي العلبه اللي فيها العجينه بكيس ودخليه الفرن طبعا وانت ماشغلتي الفرن بعد ساعه وربع عيدي عجنها يعني خوذي الجوانب واضغطيه بالوسط ورجعيها بالفرن بعد لفها بالكيس ثم قومي بحمس بصل مع شوي زيت وشوي زبده علشان يعطي نكهه مميزه ثم ضعي الطماطم وحركيه الى ان يذبل ثم ضعي عليه الماء وشوي قرع وجزر ومعجون طماط شوي خليه لحد مايستوي وحطيه بالخلاط \
نرجع للعجينه قطعيها كل حبه كبر المعمول وكوريها الى تخلصين العجينه ثم غطيها فوطه لحد ماتطبخين المرقه حقتها

ثم حطي الخضار الموجوده عندك كوسه جزر قرع فاصوليا فلفل بارد اللي تبين ولحمه اذا ماعندك لحمه حطي ماجي وبهارات وشوي فلفل اسود وحطي معه اللي بالخلاط

اول مايطبخ المرق رقي العجينه بصحن حطي مسحه ماء على الصحن وافردي العجينه تصير خفيفه لا تخلينها سميكه وحطيها على المرق وسكري الغطى لحد ماتصلحين الثانيه واستمري لحد ماتخلصين العجينه ثم قصري له حوالي ساعه وبالعافيه

اتمنى اني افدتك ماابغى منك الا تدعين للامي بالصحه والعافيه
25-11-1431 هـ, 11:48 مساءً
 


الساعة الآن 11:46 .