Analysis Services
اقتباس مشاركة  (نوره احلى صوره)
شوفي يالغاليه سوي العجينه ماء وطحين اسمر اذا كان الطحين اللي باكياس من البقاله حطي معه شوي طحين ابيض

علشان مايتقطع معك واعجنيها بدري يعني قبل تسوينه بحوالي ساعتين ونص ولفي العلبه اللي فيها العجينه بكيس ودخليه الفرن طبعا وانت ماشغلتي الفرن بعد ساعه وربع عيدي عجنها يعني خوذي الجوانب واضغطيه بالوسط ورجعيها بالفرن بعد لفها بالكيس ثم قومي بحمس بصل مع شوي زيت وشوي زبده علشان يعطي نكهه مميزه ثم ضعي الطماطم وحركيه الى ان يذبل ثم ضعي عليه الماء وشوي قرع وجزر ومعجون طماط شوي خليه لحد مايستوي وحطيه بالخلاط \
نرجع للعجينه قطعيها كل حبه كبر المعمول وكوريها الى تخلصين العجينه ثم غطيها فوطه لحد ماتطبخين المرقه حقتها

ثم حطي الخضار الموجوده عندك كوسه جزر قرع فاصوليا فلفل بارد اللي تبين ولحمه اذا ماعندك لحمه حطي ماجي وبهارات وشوي فلفل اسود وحطي معه اللي بالخلاط

اول مايطبخ المرق رقي العجينه بصحن حطي مسحه ماء على الصحن وافردي العجينه تصير خفيفه لا تخلينها سميكه وحطيها على المرق وسكري الغطى لحد ماتصلحين الثانيه واستمري لحد ماتخلصين العجينه ثم قصري له حوالي ساعه وبالعافيه

اتمنى اني افدتك ماابغى منك الا تدعين للامي بالصحه والعافيه
مشكوووووووووووره يالغاليه بجرب طريقتك وان شاء الله تضبط
27-11-1431 هـ, 12:09 مساءً
 
اقتباس مشاركة  (باسمه دووم)
بعد حمس البصل مع اللحم قطع صغيره اسرع
حطى ماء مغلى عليه وصلصه
تكونى مجهزه الخضار قطع كبيره
وعاجنه 2كاس دقيق بر اسمر يعنى
زى عجينه البيتزا بس اقسى وبدون اى اضافات بس ملح وماء
ثم خذى قطعه من العجينه وافرديها كبر البيتز الوسط وحطيها على المرق اللى يغلى بعدى كبى شويه خضار فوقها حتى لمن تحطى الفرص الثانى ما يلصقون ببعض وحاولى تدفين القرص الاول على جنب ولو تقطع عادى احسن وحطى الثانى
وهكذا الى ان تنتهى العجينه والخضار وبعدين
لازم نار هاديه جدا وتسبح بالمرق شوى بس لاتكثرين مره المويه
وحطى بهارات عدله مش مطحونه مثل الدارسين واللومى وسلامتك
ساعه احسن شى على نار هاديه
والمطازيز نفس المرقوق الفرق انه دواير صغيره بكاس قطعيها بعد الفرد
ولا اسهل منه عادى ليش متخوفه

لا ماتخوفت ولا شي بس ماارضى بالهزيمه

لازم اكسب التحدي

مشكوره يالغلا
27-11-1431 هـ, 12:11 مساءً
 


الساعة الآن 02:17 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏