Analysis Services
  • «
  • 1
  • 2
  • >
  • »
عزيزاتي من آخره زوجي جاب ذبيحه من يومين ويقول بكره انه بيسوي عشاء ويبيني اطبخ الراس وشو ي من اللحم ... الخلاصه اني اول مره اطبخ الراس ابي طريقه طبخه اهم شي تقضي على ريحته الله يديم النعمه ... وتبيض الوجهيله يالسنعات طرقكم الحلوه وش هي؟
26-11-1431 هـ, 11:30 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
طريقتي انا اطبخ الراس لحاله بعد ماانظفه زين احطه في مويا مغلي مع ملح وبهارات صحيحه (هيل-قرنفل-قرفه-ورق غار-ليمون اسود)وبعد مايستوي نصف استواء اسوي كشنه بصل وطماطم وبزار وشوي فلفل اسود واضيفها عليه واخليه حتى يستوي
26-11-1431 هـ, 11:50 مساءً
 
هلا اختي الكريمة انا من الكويت
والصراحة ما امدح نفسي بالطباخ بس الكل شاهد على اكلي انه روعه وبالذات الذبايح
وطريقتنا بالكويت يمكن غير شوي بس لي مشيتي على الخطوات بإذن الله ريلج بياكل اكل عمره ما ذاق نفسه

حبيبتي بعد ما غسلتي اللحم ونضفتيه عدل وغسلتي الراس نقعيهم بماي لمدة ساعتين بعدين قصي راسين بصل حطي بقاع الجدر شوي بصل وبعيد حطي اللحم المغسول كله فوق البصل حتى الراس حطيه وكملي باقي البصل حطيه فوقه الحين رشي ابهارات من كل نوع ملعة طعام وسط او حسب كميتج اذا وايد شوي زيدي واذا الكمية شويه لاتزيدين البهارات تسود اللحم تخلي لونه يصير اسود
انا اقولج بهاراتي ( كركم - فلف اسود - كزبرة مطحونه - البهارات المشكلة - قطعة صغيرة من الزنجبيل المطحون ورق الغار - 2 عود دارسين ( قرفه ) - 2 لومي اسود 5 حبات هيل صحيحة ) الحين حطيتي بالترتيب من القاع بصل لحم بصل بهارات حطي فوقة شوية زيت ومقدار واحد كوب ماء بس لا ترشين الماي على اللحم انتبهي وانتي تصبينه صبيه على صوب بعيد عن اللحم علشان ما تروح البهارات . واغلقي الجدر وشغلي النار على العالي هذه المرحلة اسمها التعريق نعرق فيه اللحم .

لمن تحسين ان الماي الي حطيناه بدى يقل وصل كلش حد ما ينذكر الحين صبي تركيبة الماي الي راح تطبخين فيها اللحم يعني غطي اللحم بالماء وتركية لمدة ساعتين يطبخ اذا طلعتيه قبلها ما راح يستوي اللحم عدل ديري بالج ولا تنسن تحطين الملح حسب كميتج .

بعد الساعتين شيلي اللحم وخليه بجدر ثاني والماي الي تبقى طبخي فيه عيشج الي غاسلته ومنقعته قبلها بفتره واذا كان الماي ناقص زيديه تاكدي قبل لا تحطين العيش لمن يستوي الرز والحبة تشوفينها صارت كبيرة شخلي العيش او اذا كان الماي كافي خليه لا تشخلينه
تكونين بهالاثناء مسوية خلطة بقلاص الماي شوية ماي وشوية ماي ورد وزعفران وهيل وصبغ العيش شويه خلطيهم مع بعض ولمن تشخلين العيش وترجعينه الجدر صبي فوقه بطريقة عشوائية هذه الخلطة مع مراعة التحريك بخفة حتى لا يتكسر العيش

وخليه على نار هادية لمن ينشف العيش تماما من الماء واحكمي اغلاق غطاء الجدر وبعد ما ينشف صبي العيش وحطي اللحم فوقه واذا حابة تيبسين اللحم شوي وتحمرينه حطيه بالفرن وشغلي النار الي فوق علشان يتحمر انا شخصيا ما افضل هالطريقة زوجي ما يحبة محمر .والناس اذواق

وبالهناء والشفاء وبإذن الله تعجب ريلج هالطبخة وتبيضين ويجهه جدام ضيوفة .
26-11-1431 هـ, 11:53 مساءً
 
تسلمين ياانهار ماقصرتي وماشاء الله مبين عليك سنعه الله لايضرك ويسلم بؤك يالغاليه... لاخلا ولاعدم
27-11-1431 هـ, 01:07 صباحاً
 
عاد انهار كفت وفت ماشاء الله عليها
27-11-1431 هـ, 01:26 صباحاً
 


الساعة الآن 06:06 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏