السلام عليكم ورحمه الله وبركاته
حبيباتي اليوم حبيت اعلمكم بتجربتي مع الدكتوره اشجان بمستشفى الروضه (مستوصف سابقا) واتمنى افيد كل وحده تبحث عن هالموضوع
اولا قبل كل شي انا عندي طفلين :04:اكيد بتقولون بدري ومني عارفه ايش .......لكن انا اظطريت اسوي الخياطه التجميليه لاني احس المكان عندي تغير 180 درجه وبصراحه خفت ارجع لابو الشباب ويحس فيه تغير والاكثر من كذا انا من النوع مااهتم كثير بنفاسي:44:...........فقلت يابنت افضل لك سوي لك عمليه تجميليه افضل واحسن ..وبصراحه شجعوني البنات وتجاربهم.........
وبعد ما دورت ودخت ولفيت وقريت ومابقا احد ما سالت............... قررت واستخرة
المهم رحت لدكتوره اشجان والكل يمد خياطتها وانا ايدي على قلبي من الخوف طبعا الدخول عليها بـ100 ريال وقلت لها يادكتوره انا ابي اخيط قالت لازم اكشف اول واشوف الضرر...المهم بعد ما كشفة علي...طبعا انا والده صار لي 3 اسابيع وقالت لي لازم اقل شي بعد الولاده باسبوعين عشان الرحم يرجع لمكانه وكشفت سونار وقالت الحمد لله الرحم رجع مكانه
بعدها حددت لي موعد العمليه بس قبلها طلبت مني انزل اسوي تحليل عشان اتاكد الدم زين والسكر وقالت بكره بيجيني الصباح التحليل دقي علي الصباح من 8-9 بعدها ما اقدرارد عليك عشان ااكد لك نسوي لك العمليه او لا..........
قت على بركه الله
جا الصباح ودقيت عليها وقالت خلاص على موعدنا..........وتروح الايام وتجي وانا افكر من الخوف بذاك اليوم...........
وجا اليوم المنتظر طبعا قالت تعالي بعد ما يخلص موعد العياده الصباح لان عملياتها تسويها الصباح بس
قالت تعالي الساعه 12 الظهر ...........وجا الموعد وجا دوري . وانا بموت من الخوف واتخيل التعب والالم.دخلت ومثل منتو عارفين جات النيرس وجهزتني للعمليه وحطة مطهر وبعدها جات الدكتوره . وانا ارجف من الخوف وبدينا العمليه............
يابنات يعلم الله ويشهد علي حتى ابره البنج ماحسيت فيها .........بسم الله ما شاء الله ايدها خفيفه مره
سالتها قلت ما حسيت بالابره قالت حطيت لك جل بنج عشان ما تحسين............يعني انسانه راقيه ومتفانيه بعملها لابعد الحدود...واشتغلت فيني وهاتك ياقص وخياطه.........طبعا الخياطه داخليه وخارجيه...............
بتسالوني كم الوقت اللي اخذته اقل من ساعه يعني قولو 45 دقيقه:time:
كم التكلفيه اخذت مني 2000ريال غير الادويه يعني الغسول والمطهر وكريمات طبعا صرفتها لي بعد الخياطه
الادويه مممكن كلفتني 100 ريال وشوي
بس يابنات ورب البيت ماحسيت بشي وعطتني قبل ما اطلع عطتني ابره بنج خفيف عشان لاحس بالم الخياطه
وجا ثاني يوم احس بالم خفيف...وطبعا شد من تحت..........بعدها بكم يوم طالعة المكان بالمرايه ورب البيت احس رجعتني مثل اول تغيرت علي مره وتعرفون بعد الولاده الوحده مره تتغير من تحت
يابنات حبيت افيدكم..........لاني انا احتست ودورت وكنت ادور حتى على التفاصيل الصغيره...........
وعلى فكره بعد العمليه تعطيك مراجعه باسبوع عشان تاكد من الخيوط...........
الممنوعـــــأأأأأت
مافيه جماع لمده 40 يوم او اقل شي شهر:35:
بعد العمليه لاتركبين درج او تمشين كثير اقلها مده اسبوع
اذا استخدمتي الحمام الافرنجي العربي لا
لاتتربعين بالقعده
الخيوط تبتدي تطيح بعد اسبوعين من الخياطه
ما تطولين تجلسين على الخياطه يعني خليك على جنب احسن لين تتشافين
ابتعدي عن الامساك يعني لو فيك امساك خذي ملين او تعالجي قبلها عشان العمليه.......:35:
واتمنى اكون افدتكم يابنات
نجي اللحين على النتيجه بعد العمليه
ماتصدقون يابنات احس رجعتني بنت ... حتى وانا بنت ماكنت كذا بسم الله ماشاء الله ارتحت من مشاكل كثير الهواء..والرطوبه ..يعني بنت بنوت
انصحكم يابنات تسوونه وترتاحون........
واللي تسال بعد العمليه التجميليه تقدر تحمل وتولد طبيعي تقول الدكتوره عأأأأأأأأأأأأدي تولدين طبيعي حالك حال البنت البكريه........
واي استفسار انا حاضره:27:
بنات ادعو لي ان الله يسخر لي زوجي ويحفظ لي اهلي وعيالي ويبعد عني كل شر ........ويسهل نقل زوجي :44:تكفون ادعو لي ولاتنسون.........
أنا الحلوهـ أنا @ana_alhloh_ana_1
عضوة نشيطة
يلزم عليك تسجيل الدخول أولًا لكتابة تعليق.
حبيتي شكرا ع ذكر تجربتك والله يجعلك دائما عرووووس
طيب كيف الالم وقت العلاقه؟؟
لأن البنااات يقولون مرررره مؤلمه
انا توني ماعندي الا بنت
بس خالتي تبي تسويها في الرياض عند دكتوره ليلى في السلام ومتردده علشان قلت لها اني قريت كثير انهافي اول الاشهر تعووور
طيب كيف الالم وقت العلاقه؟؟
لأن البنااات يقولون مرررره مؤلمه
انا توني ماعندي الا بنت
بس خالتي تبي تسويها في الرياض عند دكتوره ليلى في السلام ومتردده علشان قلت لها اني قريت كثير انهافي اول الاشهر تعووور
الصفحة الأخيرة
ربي يجملك بعين زوجك ويسخرلك اولادك ..