انا عندي بضاعة اخذتها بالجملة لبازار وباقي منها اشياء بسيطة هي عبارة عن اكسسوارات وبكل بناتي وشنط وتعليقات جوال
اذا حابة تاخذيها وبنفس السعر الي انا اشتريتها فيه ابشري
04-12-1431 هـ, 06:56 مساءً
 
اول شي الفكرة بالمرة حلوة و مكسبها حلو ،، و في وحدة اعرفها تشتري الارواب البيت القطنية من سوق البلد في جدة بالدرزن تطلع الحبة عليها 35 تبيعها ب 50 و 60 ريال الحبة على المعلمات و في رئاسة العامة للتعليم للموظفات هناك يعني شوفي المكسب دبل ،،ما شاء الله ،، و هي كمان تستنى عليهم اخر الشهر يدفعو لها يعني لا تستعجلي التجارة يبغالها صبر بس فيها فلوس ،، و كمان تبيع شراشف صلاة و سجادات الجيب و تقول في حريم يدفعو اول الشهر اول بأول و في حريم بالقوة عشان تطلعي فلوسك بس اهم شي تكتبي كل شي على الورقة عشان تعرفي اخر الشهر مين باقي له فلوس لا تعتمدي على الذاكرة ابدا ،، انتي استلفي من اي احد مبلغ و كملي على اللي معاك 1000 ريال و ابداي تجارتك ،، و لما تروحي تشتري خليه ينوع لك الدرزن مقاسات لا تأخذي كله مقاس واحد و خذي نصه بأكمام طويلة نصه بأكمام نص ،، يعني نوعي بضاعتك بس اهم شي تقولي لصحبتك انها تتطالب بفلوسك من الحريم مو بكرة تقول لا الحريم ما دفعو انا مالي صلاح ، و بالتوفيق
04-12-1431 هـ, 08:24 مساءً
 
الله يوفق ويرزق ويحقق امنيه ودعاء كل من دخلت موضوعي والله اني فرحت برددودكم وان شاءالله كل وحده عرضت مساعدتها لي الله يرزقها وان شاءالله لي تواصل معكم يالغاليات ونصايحكم بطبقها
06-12-1431 هـ, 07:07 مساءً
 
الله يقويك ويرزقك فكرررررة مررررررة حلوة خصوصا هناك مافي اسواق

وممكن تستلفي مبلغ بسيط من اهلك وتشتري بضاعه ترسليها مرة وحده

وخلي صديقتك تسجل كل وحده ايش اشترت وكم عليها عشان ترجع تراجعهم في اخر الشهر

والله يوفقكم
06-12-1431 هـ, 07:30 مساءً
 
الله يوفقك ياررب ويرزقك من فضله يارررب
06-12-1431 هـ, 07:36 مساءً
 


الساعة الآن 01:47 .