$$ أم سعود $$ @am_saaod_40
عضوة نشيطة
دجاج كنتاكي أحلى حتى من كنتاكي لانج ضامنة نظافته ( لذيذ ومقرمش ) وبالخطوات المصورة !!
هلا عزيزاتي ,,
حبيت أحط لكم طريقتي في عمل دجاج الكنتاكي
يطلع لذيذ ومقرمش ويشبه كنتاكي وايد حتى ما تفرقي بينهم , وبعد ألذ !!
واحلى شي أنج ضامنة نظافته , وضامنة الدجاج طازج وحلال !!
الخطـــوات :
1- أول شي نقطع الدجاج قطع صغيرة ونغسله ونفوره بالماي لين ما يستوي.
ونشخله .
2- نخلط : ( ثوم مطحون + عصير ليمون + م صغيرة نشأ + م طعام زيت زيتون +ملح +فلفل اسود + بهار + ملعقتين طعام روب + شوي شطة ) .
وندهن قطع الدجاج بالخلطة , ونحطه بالثلاجة مدة نص ساعة .
3- نجهز الاتي :
بيض نخفقه مع شوي حليب + كورن فلكس نفتته شوي + طحينمع شوي نشأ وبهار.
4- نطلع قطع الدجاج من الثلاجة , نحطه قبل ع الطحين وعقب في البيض وعقب بالكورن فلكس.
ونصفهم مع بعض , وعاد هالمرة نحطه بالفريز عشان يتماسك مدة نص ساعة .
5- عقب ما نطلعه من الثلاجه , نقليه في زيت غزير وساخن , بس يحمر نطلعه,
ما يحتاج وايد لانه الدجاج مستوي , بس عشان يحمر الكورن فلكس شوي .
وهذا شكله عقب ما قليناه , ويقدم مع البطاطا وبالهناء والعافية ,,
205
25K
يلزم عليك تسجيل الدخول أولًا لكتابة تعليق.
hlalya 4 evr
•
تسلم ايدك
:26:أم سعود :26:
ماشاء الله وجبة لذيذة ومفضلة عند الكبار قبل الصغار
وبالفعل أنت تكونين ضامنه نظافتها ومتأكدة من المكونات
يعطيك العافية .. نقل موفق لأحداث الطبخة من مطبخك
ننتظر منك المزيد المميز دوماً:cook:
مشاء الله تسلم ايدج انا من زمان ادور طريقته انش الله اسويه قريبا بس شنو البهارات الي استخدمتيها و يصير ماحط شطه لانه لا اني و لا زوجي نحبها
الصفحة الأخيرة