السلاااااااااااام عليكم

كيفكم عسولات...؟

حبيت اليوم اقولكم عن كشتنتي اللي احطها فوق الكبسه
وكل وحده تدخل تقول وش كشنتها حتى نستفيد

الموووهيم ببدا بالكشنات اللي استخدمهم

1/ اقطع بصل جوانح واحمره عالزيت واحط فوقها جزر مبشور
واقصر عالنار واحط بهارات وشوي كركم واذا حسيت ان الجزر ذبل طفيته
وحطيته فوق الرز..والله لذيذه جربوها وادعوا لي..

2/اقطع بطاطس مكعبات صغار وباذنجان مكعبات صغار واقليهم بالزيت
اذا تحمر شلتهم وحطيتهم عالرز
احياناً مايتوفر عندي الا البطاطس واسويها..بس حلوووه والله

3/ بصل جوانح يتحمر عالنار وزبيب وشوي بهارات اقصر عالنار لين يذبل البصل واطفيه
واحطها عالرز

4/ احمر البصل لين يصير بني واحطه عالرز
هذي الكشنه احبها,,بس ماتضبط معي ماادري ليه
يعني لازم اكثر الزيت والا اقلله والا كيف..؟
اللي تعرف تفيدني الله يجزاها خير

يللا عاد انا قلت لكم اللي عندي
انتظر كشناتكم
30-11-1431 هـ, 09:12 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
بصراحة ياقلبي ما احط على رزي كشنة لأني اكشنه اصلا بس احط بعض الي قلتي على الكشنه الاساس الله يسعدك استفدت صراحة
30-11-1431 هـ, 09:22 مساءً
 
بخصوص استفسارك الاخير

استخدمي قدر صغير وخلي الزيت يرتفع حتى يغطي البصل

وعلى نار هاااديه لين يتقلقل ويصير بني محمر

رووعه


انا مثلك نفس الاشيا ءاللي اسويها على الرز


بس لمن اسوي الجزر والبصل في اول وحده قلتيها اضيف ربع او نص حبه ماجي

واتركهم لين يجهز الرز

واخذ ربع الرز عليه واحركهم مع بعض قبل التقديم

واوزعم فوق الرز الابيض


لكن مع الرز الاحمر ما اسويها
30-11-1431 هـ, 09:35 مساءً
 
انا حبيبتي كشنتي قريبه من كشنتك خخخخ
اخذ بصل ابيض احس انه احسن للكشنه من الاحمر لان الاحمر مايذبل واحط معه زيت وشويه ملح واخليه لين يتحمر ذهبي مو بني بعدين احط البهارات ونص ملعقه صغيره معجون طماطم وشويه مرق حق الحم بس شوي علشان البصل مايكون يابس وكركم وشوي حمص موكثير تقدرين تستغني عن الحمص والله روعه صراحه
30-11-1431 هـ, 10:01 مساءً
 
ياحبي لكم
نورتوا صفحتي الله يسعدكم

ومازلت بانتظار البقيه

يسلمو هدوء انثى وام الشاطر ماقصرتوا

حبيبة زوجها ماقصرتي عالمعلومه الله يسعدك
30-11-1431 هـ, 10:14 مساءً
 


الساعة الآن 08:48 .