أدخلي يا أختي أحد المحافظ المفتوحة منناااس ثقااات

وكبري الوسادة ونااااامي

والله ماعليك من متابع الأسهم وغرابيله

والله أنا دخلت مع محفظة وماعلي منالسوق هو نزل أوطلع

نصيحة راجعي رسالتي الخاصة لك وأستخيري الله والله تراي صااااادق

وما تندمين إن شاااء الله
04-01-1426 هـ, 05:58 صباحاً
 
يابنات ايش يعني محفظة استثمارية جزاكم الله الجنة
04-01-1426 هـ, 09:35 صباحاً
 
اقتباس مشاركة
المشاركة الأصلية كتبت بواسطة المروقه
انا انصحك بالمحفظه استثماريه
وفيه محفظه الثقيل الصراحه ارباحها هائله
اذا تبين راسليني علئ الخاص
والله الموفق

هلا المروقة وعذرا على التأخير

ياريت معلومات عن محفظة الثقيل لاني اول مرة اسمع فيها



شكرا
04-01-1426 هـ, 08:28 مساءً
 
اقتباس مشاركة
المشاركة الأصلية كتبت بواسطة قرويه
اشوف اللي جربوا الاسهم كمضاربه وهم مبتدئين ولاعندهم احد خبيره ياخذون بكلامه ندموا ندم شديد وضاعت اموالهم

واللي بمحافظ اشوفهم مبسوطين ومريحين ومقتنعين بالربح اللي يجيهم حتى لو كان بسيط لكن يقولون مضمون باذن الله اذا الاسهم منتعشه

والاسهم كلام ناس خبره ضربه حظ 80% واللي يقول غير كذا قوليله اجل ليه هالهوامير جتهم جلطات قبل كم شهر لو كانت تبي بس دراسه وتحليل فقط

هذي الفلسفه اللي عندي يارب تنتفعين منها

سلام

هلا قروية

بصراحة انا عاقدة العزم باذن الله ادخل في تداول الاسهم لكن مثل ماذكرت ينقصني الخبرة وصار لي مدة متابعة لمواقع الاسهم بس اللي احتاجه هو نصائح المجربين

ولا ندم من استشار


شكرا لك
04-01-1426 هـ, 08:30 مساءً
 
اقتباس مشاركة
المشاركة الأصلية كتبت بواسطة rama_love
اهلا فيك اختي رسيسه
لااعلم من اي دوله انتي.....
ولكني اتكلم معك بحكم خبرتي في سوق الاسهم السعوديه

اختي الفاضله الله يحفظك
المحافظ الاستثماريه والتي تشرف عليها البنوك فيها ارباح ولكنها للاسف بخسه يعني قليله
لدرجة ان نتاجها السنوي يادوب يكفي لزكاتها
في هذا تفصيل لن اتطرق له الان لانه يحتاج الى موضوع مستقل

ولكني سوف اختصر نصيحتي في اسطر امعدوده وهي
ابدئي في الاستثمار بنفسك على هذا النسق....

1/ افتحي محفظه استثماريه في احد البنوك التي تسمح بالتداول عبر الانترنت
مثل السعودي الامريكي او شركة الراجحي
2/ استمري في متابعة الاسهم عند طلوعها او نزولها ولدة لاتقل عن شهر الى شهرين
دون البيع او الشراء
3/تابعي اماكن تداول الاسهم وتحليلات الاقتصاديين والمحللين
4/بعدما تجدين في نفسك معرفه تامه بالاسهم والتفريق بين القيادي والمظارب فافرضي
لنفسك فرضيات وكانك اشتريتي هذا السهم ثم انظري لارتفاعه او نزوله ومدى
فائدتك منه
5/ انظري الى متوسط سعر السهم خلال الاربع اوالخمس سنوات الماضيه
وحده الاعلى والاقل
6/انظري الى راسمال الشركه وهل سبق وان وزعت ارباح ام لا..
7/ انتبهي لمستقبل هذه الشركه وهل لديها مشاريع مستقبليه
هذه رؤس اقلام والبيع او الشراء خبط عشواء لايصلح وخطره اكثر من نفعه


استاذنك في الرد على الاخت التي تقول
((والاسهم كلام ناس خبره ضربه حظ 80% ))
وانا اقول
سوق الاسهم سوق قوي جدا وهو ينافس سوق العقارمع وجود المخاطره المبني على دراسه
وتحليل
والتوفيق اولا واخيرا بيد الله سبحانه
ولكنه اذا بني على دراسه وخبره فانه يكون ناجحا باذن الله تعالى
اما قولك

((واللي يقول غير كذا قوليله اجل ليه هالهوامير جتهم جلطات قبل كم شهر لو كانت تبي بس دراسه وتحليل فقط))
فااقول
اللي جتهم جلطات ليسوا الهوامير بل هم صغار المساهمين
والهوامير لهم طرق معينه تجعلهم ينزلون سعر السهم حتى يصل الى حده الادني او مرادهم
ثم يشترون
فيرى الاخرون كمية التداول اوكمية الطلب فيشتري فيرتفع السهم وبعد ذالك يصبون كل مالديهم في السوق فيزيد العرض على الطلب فينزل السهم
هنا يخاف صغار المستثمرين من النزول القوي للسهم فيبيع ولوكان بخساره
وهذا خطاء وقلة درايه بعالم الاسهم

دمتي سيدتي بكل خير

الف شكر على كل هالتوضيح ، وانا مثلك من السعودية
بالنسبة للمحفظة عندي في الراجحي باعتباري مكتتبة في اسهم سابقة
حبيت اسألك ايش راح استفيد من النقاط رقم 5 ، 6 ، 7 في ردك

ولا نستغنى عن خبراتك ونصائحك


الف شكر
04-01-1426 هـ, 08:33 مساءً
 


الساعة الآن 01:45 .