السلام عليكم اخباركم
تكفون ساعدوني انا لي شهر ونص متزوجه
واليوم بطبخ الغدا أول مره اطبخ رز عرفتو
وامس جاب لي رز بشاور وانا ماقد طبخت بشاور
مااعررف اسويه ولا اعرف وش كثر احط رز ومويه يعني لشخصين
يعني انا ببيت اهلي اطبخ رز عادي وماشاء الله حجم عائلي يعني اكثر من شخصين ماعمري طبخت هالمقاس
ابيكم تساعدوني كيف اطبخ رز البشاور
واحسبو حساب ان زوجي ماشاء الله تبارك الله فاهم بالطبخ يعني ابي اسوي شي زين
وثاني شي هو جايب دجاج مقطع يعني افخاذ انا اعرف اني اسلقه وكذا بس انا ماعندي فرن كامل عشان ظروف المدينه اللي انا فيها يعني بس فرن كهربائي عيون مافيه حق الشواء والتحمير يارب فهمتو علي
ساعدوني الله يسعدكم ما ابي اتفشل عنده
01-12-1431 هـ, 07:47 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
اااااااااااااااااااااب



سبحان الله والحمدلله ولا اله الا الله
01-12-1431 هـ, 07:52 صباحاً
 
بالنسبة للمقدار انا عن نفسي اطبخ انا مع زوجي كاسة وحدة حقت جبن كرفت رز ابو كاس وزية موية لانة منقوع من قبل
لكن نوع الرز حقك اول مرة اسمع فية صراحة

وبالنسبة للدجاج سويها مع الرز كبسة او اقليها وحطيها مع رز ابيض وسلطة

او اذا عندك قلاية تيفال تبلي الدجاج وحطيها في الثلاجة لمدة ساعة وبعدين حطي على القلاية ملعقتين زيت وبعدين حطي الدجاج ووطي عليها النار وغطيها وخليها لين تتحمر وقلبيها لين تتحمر وتستوي

ياليت فهمتي علي حاولت اساعدك
وياليت البنات يفيدوكي
01-12-1431 هـ, 08:00 صباحاً
 
الرز لشخصين اتوقع كاس ونصف ويغسل وينقع بماء عادي من الحنيفيه مده لاتزيد عن 10 دقايق بس كثري الزيت اوالزبده شوي مو مرره والدجاج اسلقيه شويه بدون جلد مع ثوم وخل ملعقه وملح تقريبا نص ساعه وبعدين صفيه وحطي عليه كتشب وصويا وبهارات وليمون وملح وصلصه خليه جنب بتكونين حامسه بصل شرايح وخكري وثوم وطماطم وبعدين حطي ماجي واخر شي الدجاج وقلبي وقصري عليه نص ساعه بيصير زي المويه فيه شويه ثقيله ووبس
01-12-1431 هـ, 08:05 صباحاً
 
بالنسبه لدجاج صلحي دجاج بالتبنياكي
اما الارز اتوقع كأسين تكفي
بالنسبه لطريقه هذي طريقتي لجميع انواع الارز والحمدلله تضبط معاي(افرمي بالفرامه بصل وثوم وفلفل اخضر وبصل اخضر وشوي قطعه صغيره زنجبيل طازج وابشري شوي جزر )
كل هذي حطيها في القدر مع بعض مع ثلاث ملاعق كبيره زيت وحركيها على النار واضيفي لها مكعب واحد مرق ماجي وشوي هيل واعواد قرفه وحبة ليمون اسود
وعلى فكرا ترى الماجي مالح يعني مكعب واحد يكفي بس اضيفي رشة ملح قليله
وحركيها على النار بعدين اضيفي المويا وهي تقريبا ثلاث الى اربع اكواب وبس تغلي حطي الارز تبطعا تكوني غاسلته ومنقوع لربع ساعه اول ما تحطيه تخلي النار شوي حاميه بعدين شوي شوي وتخففي النار وتخليه على نار هااااديه وبس بالهنا والعافيه
اتمنى انك تستفيدي من بربرتي بس والله حسيت فيك العرايس دايما يتوهقون الله يعين
01-12-1431 هـ, 08:06 صباحاً
 


الساعة الآن 12:07 .