السلام عليكم ورحمة الله وبركاته ..

بنات .. انا ما اعرف اطبخ .. والله احاول احاول .. يطلع الاكل ماصخ .. ماله طعم .. فيه شي ناقص ..

مع اني آخذ الطريقة من ام زوجي واهلي ومن النت .. ما يطلع مضبوط ..

صارلي متزوجة 5 سنوات .. في البداية كنت اقول اكيد مع الايام بتعلم .. بس ما في فايدة ..

اطبخ اشياء روتينية .. وطعمها مب ذاك الزود ..

اللي متعقدة منه اكثر شي هو العيش ( الرز) .. الكبسة البرياني الصوالين .. ما تطلع مضبوطة نكهة ماصخة ..

مع اني احط البهارات و الماجي .. ما اعرف وين المشكلة .. مع اني بالمعجنات فنانة ..

بليييييز ساعدوني .. والله المشكلة مأثرة على حياتي .. كيف احب الطبخ ؟؟ وكيف اتقن الطبخ ؟؟


يا ليت اذا اتعرفون وصفات للكبسة ( مضبووووووووووطة ) والبرياني كذلك .. والصوالين انواعها وطريقتها ..

وشو البهارات اللي تعطي النكهات الحلوة في الاكل ..


ولكم جزيل الشكر ..

أعانك الله أختي
أنتي مثلي متعقده من الطبخ
الله ييسر لنا
الله أكبر الله أكبر الله أكبر لاإله الا الله
أستغفرالله.سبحان الله.الحمدلله.لا لإله إلا الله .الله أكبر
اللهم صلي وسلم على نبينا محمد وعلى آله وصحبه أجمعين
اللهم أجعل الفردوس سكن لي ولوالدي ولمن قال آمين



اللهم يسر مرادي ومراد جميع المسلمات والمومنات وجميع من قال آمين
(أستغرالله..سبحان الله..الحمدلله..الله أكبر..لااله الا الله..اللهم صل على محمد وعلى اله وصحبة وسلم))
ان شاء الله يفيدونك البنات

بس بقولك الرز لاتكثري الماء اذا غطى الرز خلاص خلي النار عالية ثم وطي النار وخليه ع راحته ينضج

اذا حمرتي البصل حطي فلفل أخضر رومي وماجي والرز بسسسسسسسسسسسسسس وحركيهم وقفلي عليه شوي وافتحي القدر وحركي وقفلي عليه وبعدها حطي الماء والملح


وشويي حبات هيل ومسمار وكمون وخليه ع نار هادية
مشتاق للجنة وخايف من النار

بين الرجا والخوف بقضي حياتي
دنيا ما عليها حسافة .. يزاج الله خير .. واعاننا ان شاء الله ..

الاباء والعزة .. مشكوورة حبيبتي .. وانا ما اخلي الماي واايد .. مثل ما قلتي .. بس ما فهمت كيف احط الرز في البداية بدون ماي ..؟ ما يتكسر ؟ .. اتصدقين احيانا اشك ان بهاراتي مب زينة .. انا اشتري من كارفور البهارات اللي اتيي باكياس .. كل بهار بروحه .. واذا ما انحفظ البهار زين ودخله هوا .. هل اتروح نكهته .. ؟؟


والله لو ساعدتوني اتسوون خير كبير .. نفسيتي تعبانة من ه الشي .. وزوجي من النوع اللي يموت بالاكل والتنويع .. واهم شي عنده الاكل مضبوووط .. والله صارت شهيتي مسدودة بسبته .. كل ما قعدنا ع الاكل يبدأ انتقاد وتعليق ( العيش مستوي زيادة .. طعم الفلفل الاسود زيادة .. ليش ما اتروحين عند الوالدة وتتعلمين عندها .. من زمان ما سويتي الاكلة الفلانية ..........إلخ )

صرت احط الغدى وادورلي على شغلة ثانية .. ..
الله أكبر. الله أكبر. الله أكبر كبيرأ.

الله أكبر. الله أكبر. لا إله إلا الله. والله أكبر. الله أكبر ولله الحمد.

الله أكبر. الله أكبر. الله أكبر. لا إله إلا الله. والله أكبر. الله أكبر. الله أكبر ولله الحمد
الا بذكر الله تطمئن القلوب ..؟؟


الساعة الآن 07:58 .