انا متزوجة و زوجي يعشق الكبسات ويحبها مايبي اكل غير كبسة دجاج أو لحم وصراحة انا ماأعرف حاولت كم مرة ومايضبط معي وبذات سلق الرز أنا عارفة تضحكو ا علي ممكن تساعدوني تدلوني على أحسن الطرق لعمل كبسة دجاج وسلق الزر وأيش أحسن البهارات أللي تستعمل الله يسعدكم
03-12-1431 هـ, 03:55 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
بحاول افيدك يالغاليه بااللي اعرفه طبعا الماجي لا تفضى الثلاجه منه خلاص
الكبسه زي ماانا اسويها
طبعا بصله متوسطه مفرومه +طماطم كبيره مفرومه +زيت +مكعبين ماجي +فلفل اخضر+بهارات مهران انا احط +ورق غار +2اعواد قرفه +3حبات مسمار +ليمون اسود +ملح

طبعا تشوحين البصل وبعده تضيفين الطماطم والمكونات الباقيه والدجاج وبعدها الرز وتضغطينه واحلى كبسه تستاهلينها
03-12-1431 هـ, 06:40 صباحاً
 
هلا يالغلا

شوفي ياقلبي بقولك طريقتي بالكبسه الحمراء المظغوط

اقطع البصل ويكون كثير شوي واحط معه دارسين وورق غار وقليل قرفه مطحونه وكمان ليمون اسود مطحون بس الي يعطي نكهه

وقليل ثوم حمسيها مع بعض لحد ماياخذ اللو ن الذهبي وتكونين مجهزة اللحم او الدجاج ومنظفته جيبيه وحطيه على كشنة البصل

وقلبيهم شووي وافرمي حبه طماطم وملعقه كبيرة ونص صلصه وحطيها على الدجاج

وقلبيها شوي وجيبي البهارات كمون .قليل من الفلف الاسود وعندك بهارات اسناد للرز البخاري جدآآآ رووعه ماشااءلله لكل استعمالات الكبسه تعطي نكهه مااشاءالله حطي ملعقة اكل صغيرة ملينه

وقلبي الدجاج مع الكشنه جميعا وخليها تتسبك على نار هاديه

اغلي المويه وحطيها على الدجاج واظغطيها لمدة ربع نصف ساعه

وتكونين مجهزة الرز وقرنين فلفل حار

لمن يستويالدجاج حطي الرز والفلفل وشوفي اهم شي مقياس المويه

يعني لو كاسه رز تقريبا كاس ونص مويه ...قيسي بطريقتك انتي واظغطيها لمدة عشر دقايق تقريبا او 15

وخليه يخدر على الاقل عشر دقايق وبالعافيه واي شئ ثاني بأذن الله نساعد والمنتدى مليان ماشاء الله الله يسهل لك ولنا كل امر يارب ...

03-12-1431 هـ, 06:47 صباحاً
 
تبين كبسه مضبوطه 100 % بقولك طريقتي وبالتفصيل طبعا مو مضغوط لا لان زوجي مايحبه كثير وانا كثيير انوع له كبسات فديته

تقطعين بصل على الزيت بقدر الضغط وتخلينه لين يتحمر مو يذب لا يتحمر بس لا يحترق انتبهي واذا تبين بسرعه يتغير لونه حطي بهاراتك الي هي عباره عن فلفل اسود وفلفل احمر رشه وكمون وثوم جـــــــــاف ضروري وكزبره مطحونه جافه وقرفه مطحونه ومكعب ماجي هذي بهاراتي
المهم حطيهن على البصل وقليهن معه لين تطلع ريحته خيااال بس لا يحترق البصل ثم صبي الماء عليهن وحطي الملح واهم شي لا تحطين طماط ولا معجون طماطم
وحطي الدجاجه بالقدر وخلي الماء مواسي لدجاجه بالضبط لا يغطيها كلها لا مو لازم لان قدر الضغط بسرعه يستوي واذا لف السفتي حق القدر احسبي ربع ساعه تكون استوت الدجاجه
واغسلي الرز ونقعيه بماء حار ومــــــــلح وغطيه

اذا استوت الدجاجه بعد ربعه ساعه طلعيها وادهنيها بزيت مع البهارات ولون صفار الزعفران وحطيها بالفرن

وصفي الرز واغسليه نضفيه من الملح وحطيه بالقدر واهم نقطه واهم نقطه الي تفرق معك وتخلي رزك نثري او مخبوص
مقــــــــدار المــــــــــــاء يكون قليل يعني تشوفين بعض حبات الرز مغطي بس مو مره خوذي من الماء لين يبين لك الرز طبقة ماء خفيفه فوقه
وسكري القدر واول ماتسمعين صوت السفتي حطيه على العين الصغيره وقصريه وخليه يطبخ براحته قرابة 6 دقايق وافتحي القدر وحطي عليه فلفل اخضر حار او رومي عشان النكهه وشوفيه نشف او لا واخلطي شوي ماء بلون الزعفران وصبيه عليه قدر فنجال صغير الماء وسكري عليه

بعد ربع ساعه حركيه بالشوكه عشان مايختبص مع بعض تحريك خفيف وانكبيه بالصحن وحطين الدجاجه والسلطه وكولي احلى كبسه وخوذي المدح من حبيب قلبك


يطلع زي كذا ونفس الون هذي صوره لوحده من كبساتي والطعم خيــــــــــــال
03-12-1431 هـ, 07:11 صباحاً
 
ماقصرو البنات

الله اكبر الله اكبر الله اكبر

لااله الا الله

والله اكبر الله اكبر

ولله الحمد
03-12-1431 هـ, 09:14 صباحاً
 


الساعة الآن 12:59 .