السلام عليكم ورحمة الله وبركاته

الكفته هذي لذيذه مره ومظبوطه وماتاخذ وقت
ياليت تعجبكم

ونبدا بالطريقه المصوره

اول شي اسلقي بطاطس كامل بقشره عشان تحافظين
عليه من المويه لا تدخله وتحافظين على النكهه
مثل ماتشوفين



وبعد ماتستوي نقشرها ونتبلها بالملح والفلفل الاسود
ومقدار ملعقه زبده ولو تكون مو مسيحه افضل
لانها بتسيح من حرارة البطاطس



ونهرسها بالشوكه ونضيف لها ملعقة جبن كرفت شدر
وملعقه بقسماط عشان تمسك ماتتفكك عليك



ونبدا نحشيها بالحشوه اللي تفضلين ممكن عصاج لحم او دجاج
او تونه او خضار انا حشيتها بجبن كرفت شدر مبشور مع جبن موتزريلا
بس يكون مقدار الموتزريلا نص الشيدر يعني كاس شدر
معه نص كاس موتزريلا
ولا تكثرين حشوه شي بسيط علشان ماتسيح اثناء القلي وتفك معك
وهذا شكلها بعد الحشو والتشكيل



وبعدين نغمسها في البيض ونغطيها بالبقسماط بهالشكل
على فكره انا حطيت بقسماط بر عشان كذا لونها غامق



ونبدا بالقلي والزيت يكون خفيف يعني يغطي نص الكفته
ويكون حامي مره وشقريها بسرعه واقلبيها على الجهتين
وطلعيها على السريع لانها ماتحتاج سوا كلها مستويه
ماتحتاج الا تشقير وطلعيها على ورق نشاف ولاتغطينها
خليها تتهوى وتطلع البخار اللي جوا وتقرمش من برى
لانك لو غطيتيها بتذبل وبتموع معك
وهذا شكلها بعد القلي



وصوره اقرب



وهذا شكلها من جوى والجبن سايح والطعم جناااااان



اتمنى تعجبكم وتقررون تجربونها
04-12-1431 هـ, 01:35 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
براااااااااااااااااااااااااااافو
ذوق
04-12-1431 هـ, 01:43 صباحاً
 
حبيبتي
شكلهااا حلوووو
لكن ماكو صور

ودي
04-12-1431 هـ, 01:44 صباحاً
 
يسلمووووووو
04-12-1431 هـ, 05:39 صباحاً
 


الساعة الآن 06:13 .