بسم الله الرحمن الرحيم

كتبت موضوعي وانا كلي ثقه بالله اولا ثم فيكم انكم راح تساعدوني

انا عمري ماعزمت احد بفطور عيد دائما انعزم وما أعزم لاني خايفه ماكون قد ها

حتى زوجي الظاهر انه مو واثق فيني اني قدها

بس ودي اكون قدها ومن غير تعب لان ورنا عيد وذابيح ومعايده يعني مابي حيلي ينهد واجلس

يومين مكسره

فحبيت افاجئ زوجي بخبر انه ودي اسوي فطور عيد

يعني بكون العدد حول 15 شخص حريم ورجال
طبعا بيكون فيه طبق شعبي رئيسي بسويه وهو الي اثق اني راح اضبطه <<< الله يستر بس

بس وش احط كمان على السفره ؟؟ ومابي تعب
ومع القهوه بلبدايه بس اقدم حلوى والباقي احطه على السفره ؟
واذا خلصوا الفطور اقدم الشاهي ولى احطه كمان هو على السفره ؟
يله تكفون علموني ودي لو مره اسوي فيها

لا تحبطوني ابطل على طول >>>> على الريحه


إضافه مهمه:
والله انكم ماقصرتوا قريت ردودكم الله يعطيكم العافيه والصحه
بس وحده من قرايبي احبطتني تقولي ارتاحي بتتعبين قمة الاحباط!!!
بنات هل تتوقعون اقدر لان صعبها اعزم ووو بعدين اتفشل
والشغله فيها حريم يعني تعرفون الحريم يدققون
طيب النواشف مو كانه شوي صعبه خصوصا
أن المعازيم مايمونون ؟؟
ويصلح احط فواكه ؟ يالله صباح خير هههه

الي مرتبته الحين براسي ومن خلال ردودكم
اول شي قهوه وحلاوه وتمر وحلى قهوه مشكل من برى
على السفره طبق شعبي +حلى سفره من شغلي +أفكر في البان كيك لذيذ ويعطي منظر حلو للسفره
فطائر من برى هههه كل شي من برى
و عصير كوكتيل ومويه وقوهوه وشاهي
وارتب السفره بشكل انيق اهم شي
هاه وش رايكم ولى اطبق نصيحة قريبتي ؟؟
وانا مثلك
يا ليت احد يفيدنا
من الالف الى الياء
ادعوا لبنتي بالشفاء وان الله يجعلها قرة عين لي
كل عام وانت بخير اول شئ
انا احط القهوة والحلاوة والمعمول اول شئ
وجبة الفطور احط الرغيدة وهي عبارة عن عصيدة بالبن
وقرصان مع سمن وعسل
واحط تشكيلة من النواشف (جبن وزيتون وحلاوة طحينية ومكدوس وامبا ولبن زبادي ) مع خبز لبناني
انا زوجي يحب اني احط الشاي مع الفطور على طول لانه هو واخوانه يحبون كذا
بعد الفطور بساعة عللا الاقل ارجع احط لهم القهوة والشاي
اسمعي ياقمر انتي خليك رايقه بالشغل وماراح تتعبي
اول شي القهوه والحلاوه والمعمول
بعده جهزي سفرتك وكمان سوي رز ودجاج سلطه على حسب عادتكم وشوفي الاطباق الي سهله بالنسبه لك وسويها وبعد الفطور قدمي الشاي
والله يسهل امرك ويكون فطور احلى فطور
رفع
لايوجد توقيع حاليا


الساعة الآن 08:17 .