يا هلا بفضوليه

ليت الكل عنده فضولج ويرد علي

بالنسبه للعجينه الأولى:

أعتقد أنها الجباتي

والعجينه تلصق باليد والا نفس الفطاير

بالنسبه للثانيه:

اقتباس مشاركة
يعني مدي العجينه
كل العجينه؟؟


اقتباس مشاركة
وخذيها من طرفها وارفعيها وبعدين خلي الجزء المتدلي يلمس راحة ايدج ودوريها بالايد الثانيه بتسير عندج دائرة غير مستويه..
يعني مثل المسلسلات السوريه

اقتباس مشاركة
ودخليها الثلاجه لمدة ساعه علشان تتماسك
وهي على شكل دائره والا أرجع أخليها كوره

أحسك ابتلشتي فيني

بس هذه نتائج الفضووووووول
28-12-1425 هـ, 05:07 مساءً
 
فضولي ابعد من ما تتصورين
اولا العجينه ما تلصق باليد لانها فيها زيت ومع كثر العجن مثل ماقلت كثر العجن يعني اعجني واعجني وخلي الجيران يساعدونج
واذا تحتاج لزيت في النهايه تمسحي على ايدج وتعجني
وبالنسبه للثانيه
بعد ماتخلصين عجن تقطعيها قطع صغيره وتشتغلي على كل وحده يعني تفردي وتسوي زيت وتلفي وهكذا مع الجميع

واخر شي هي بتلفينها على شكل دائره بعد ماشلتيها من الطرف وتخلينها في الثلاجه وبعدين تاخذين حبه وحده وتفردينها وتحطينها في التاوه وترشين عليها زيت عند التحمير
انزين سويها وطرشي للمنتدى
انزين دلوعة
28-12-1425 هـ, 06:05 مساءً
 
أختي الفاضله ....
اسفه على التاخير ....كان نفسي اعمل البراااته واصورها بس لين الحين ما اشتريت الكاميرا ...وان شاءالله بحااول افرد موضوووع اذا تمكنت من عمله وتصويره ...
شوفي الهنوود عندهم البراته والجباتي ..البراته بالطحين الابيض ...والجباتي بالاسمر ...وهذا كلام هنديه علمتني النوعين >>
03-01-1426 هـ, 08:34 مساءً
 
أعذريني ضغطت على ارسال قبل لا اكمل موضوعي ....
المهم بالنسبه للبراته ...شوفي كل 2 كوب طحين ابيض ...يحتاج لملعقة صغيره ملح ....وتقريبا كوب ماء اقل او اكثر ..
يعني حطي شوية شوية الى ان تتكون العجينه ...وطبعا اهم شىء هو كثرة ضرب العجينه وعجنها ...وهنا سر النجاح ..
واذا كانت عندك العجانه فالبراااته محظووظه ..حطي المقاادير وخليها تعجن اطول فتره ممكنه ...وصبي عليها زيت تقريبا فنجااان ..في اللحظات الاخيره من العجن ....غطي العجينه جيدا وخليها ترتااح لمدة سااعه ..ثم قسميها الى كور صغيره ....وممكن تخلين الكور ايضا ترتااح لتسهل عملية الفرد ...او تفردين على طووول اذاكنت طويلة البال ...
افردي كل كره الى دائره ...ادهنيها بملعقة زيت او سمن نباتي ...
بعدين اطويها >>> كيف اشرحلج >>>> اطويها على شكل اسطوانه طويله رفيعه مثل السويسرول بس بتكوون رفيعه وطويله ...واعمليها على شكل حلزووون >>>اها يا الشرح ...
خلصي كل الكووور ...وحطيهن في صحن تقديم مدهوون بالزيت وغطيهن بورق السولفان الشفاف جيدا ...
بعد ساعه او اكثر ...جهزي تااوة الهنود اللي يسوون فيها البراته ....وافردي كل حلزونه على شكل دائره شوية شوية
وامسحي التاوة بكلنكس المطبخ فيها زيت حطي الخبزه ثواني واقلبيها على الطرف الاخر ...ثم صبي ملعقة صغيره زيت ...وكل شوية اقلبيها على الطرف الاخر ...
اتمنى ان اكوون افدتك ...بس هااا تنبهي ترىالبراااته تسمن ...وبالهني عليك ..
وبالنسبة للصوره الاولى ما اعرفها للاسف ....موفقه ان شاءالله ..
03-01-1426 هـ, 08:46 مساءً
 
فضوليه

غزالة الفريج

مب عارفه شلون اشكركم على تعاونكم

معلش اتأخرت لأن الكمبيوتر كان بالمستشفى يعالجونه من عدة اعاهات

المهم أنا سويت نفس الكلام اللي قلتوه بس للاسف باءت كل التجارب بالفشلللللللل

أنا حطيت 3وثلث كوب طحين وفنجان زيت وملعقة ص ملح وماء على حسب العجينه

وضربتها بالعجانه ربع ساعه واتبعت نفس الخطوات

لكن اللي رقيتها رقيقه صارت جباتي

واللي خليتها سمينه صارت قرووووووص

وشفت عجينه ثانيه كان فيها حليب وبيض

واتبعت كلامكم

كانت الأخيره افضل أقرب للبراتا بس بعد ما ضبطت معاي

وكنت يوم الخميس في حالة اكتئاب من هالبراتا

وعموما جزاكم الله خير الجزاء

واسمحولي تعبتكم معاي
03-01-1426 هـ, 10:23 مساءً
 


الساعة الآن 09:59 .