طلقها واخذ عيالها وبسبب اهماله مات ولده

الأسرة والمجتمع

السلام عليم يابنات
صرت اشوف كثير ازواج يطلقون البنات وياخذون عيالهم ويحرمونهم من امهاتهم(الله ياخذ كل ظالم ويحرمه الجنه)

قلت ابقولكم هالشي اللي صار قبل 4 سنوات لبنت عمتي
والمأساة اللي عاشتها

تزوجت من واحد من عائله مره محترمه لدرجة انه كان عند الناس رزززه وكل من حوله يحترمه

وعندها بنت عمرها 6 سنوات و ولد عمره سنه وشوي

صارت بينهم مشاكل وبعد فترة قرر يطلقها لانه كان يسكر ودايم فااااصل

هو كان معارض الطلاق بس هي جابت اهلها وغصبوه علي الطلاق

ودايم انا اقول واكرر الرجال اقوي منك مهما قلتي
لاتقهرينه او تجبرينه علي شي
خاااااصة اذا كان عندك عيال منه وانتي تبين عيالك بحضنك
اصبري اصبري حتي لو تكونين معلقه
بس لا تكبرين راسك عليه

قرر الرجال انه ينتقم وياخذ عياله بس الشرع كان مع الام
وهذا اللي قهره اكثر

بعد فتره رفع عليها قضيه بشرفها وانها كانت تسكر والاكيد كان عنده واااسطه

وخذ عياله غصب منها
وربي اتذكر نفسيتهااا دايم تبكي وكبرت مية سنه بسبب الهم

تخيلو ما كان يبيهم بس يبي يقهرها

راح رماهم علي امه الكبيره بالسن والشغاله والبيت فاضي

ما يهتم فيهم احد ولا يجيهم الا مرتين بالاسبوع وراح وتزوج غيرها

وربي تقول اذا رحت لهم ابشوفهم وكان خالتي تساعدني لانها مره طيبه بس ما تقدر علي ولدها
اشوفهم بالشتاء حافين والصغير يبكي من الماغص والاسهال(اكرمكم الله)
ولا لبس زي الناس
تقولون يتاماا

بعد فتره كانت خالتها عندها موعد والشغاله كانت ترتب بالبيت في الدور الثاني
جت البنت الصغيره بتصلح لها شي تاكله ودخلت المطبخ وجلست تشغل الكبريت بتشغل الفرن ورمت العود وشبت موكيت المطبخ وطلعت من الخوف واخوها بالصاله

ونزلت الشغاله وانحاشت بالشارع
ومات الصغير مختنق بالحريق

والبنت طلعت بالحوش

وربي الموقف مره انفجعنا فيه

والبنت ياعمري من وقتها وهي تقول انا ذبحت اخوي وهي ماتدري انه بسبب ابوها جل الموت ياخذه

وبعد هذا كله لحتي الحين رافض يعطي البنت لامها
ولا حس ابدا

وربي حتي الحين والبنت عمرها عشر سنوات ونشوفها بالعزايم مع جدتها
والله اذا شفتها ارحمها تخيلو تلبس كرته اذا كنتم تعرفونها حق العجايز وتلف عليها مخنق
والله اني ارحمها
جعل ابوها الهبال
عايش مع زوجته الجديده ولا درا ببنته




موجز القصه لا تحسبون انكم اقوى منهم وربي ما يقواهم الا ربي


ولا تكبرين راسك عليه ترى الرجال ما ينسى

وخلي عيالك اهم شي اذا كنتي تبينهم تحملي ولا يروحون بسبب اهمال الزوج
لان الزوج ان خذهم خذهم يبي يقهرك



الله يبعد عنكم كل مكروه
ولا يوريكم هاليوم

ويرد كل ضنا لامه:44:
67
5K

يلزم عليك تسجيل الدخول أولًا لكتابة تعليق.

تسجيل دخول

قلبي مملكه وaيملكه
الله يرحمها
ويرجع البنت لامها والله حرررررررررررررام عليه
الله ينتفم منه والله ياخذه قتل طفله بس
بنفس الوقت افكر فيه ابهات قاسيييين لهدرجه
*عـــــروب*
*عـــــروب*
فيه الي اكبر مني ومنه
امسك سجاتي كل ليله لين اشوف فيه يوم

لاحول ولا قوة الا بالله
أم الوليد بن مروان
أختي ألاحظ في كلامك تقولين .ترى الرجال أقوى...ولا تكبرين راسك عالرجال...كلمة رجال ماتنقال لهالأشكال..هؤلاء فقط ذكور بشنبات وأعضاء تدل على ذكوريتهم...لكن الرجولة موقف وهذولا مواقفهم خايسة مثلهم وتفشل ولا تمت الى الرجولة بشيء..
المها ترحب بكم
يختي وين اهلها عنها وهي فوضى يتهمها بشرفها
شموخ ذليلة
شموخ ذليلة
لا حول ولا قوة الا بالله..