افيدوني افادكم الله

يا بنات انا كنت باخد حبوب منع الحمل واتلغط الهرمونات معايا بعد ما سيبتها
رحت للدكتور ووطلع عندي كيس صغير على المبيض
اداني علاج والحمد لله الكيس كان حجمه بيصغر بعدها اداني لمدة شهرين كلوميد والحمد لله كان بيحصل تبويض بس ربنا ال عاوزه بيكون ما حصلش حمل بس الحمد لله برده كل ال يجيبه ربنا كويس
بعدها الكلوميد عملي كيس تاني بطلته الشهر ال فات بناء على تعليمات الدكتور بس مازلت مستمرة على علاج الهرمونات
قالي الدكتور ان التبويض عندي مش منتظم
وفي الشهرين ال اخدت فيهم الكلوميد كانت الدورة بتجيني كل 28 يوم بالظبط
والشهر ال فات ما اخدتهوش والدورة الأخيرة الدكتور ما شافش فيه تبويض ولا لا لأن مدة الدورة استمرت معايا شوية فكان في اليوم 14 كانت يا دوب الدورة خالصة من 4 ايام
بس احمد لله قالي ان احنا الحمد لله كويسين دلوقتي بس لسه التبويض ما حكمش اذا انظبط ولا لأ
معلش يا بنات طولت عليكم بس انا ما ليش اخوات بنات واعتبرتكم اخواتي اثق فيكم
المهم الدورة معادها يوم 12 يعني انهاردة بس انا حسيت بتعبها من يومين ولحد الأن حاسة بتعبها بس هي ما نزلتش ويارب ما تنزل
مش عارفة اعمل تحليل الدم امتى علشان اعرف انتيجة وسمعت ان تحليل الدم في اول الحمل مش كويس على الجنين لأنه في الأول بيبقى عبارة عن تجمعات دم ف ليه ناخد من الدم ال محتاجه الجنين
كنت اتمنى اعرف النتيجة قبل يوم 15 يوم ميلاد جوزي طبعا احنا مش عاملين عيد ميلاد بس كنت حابه افرحه في يوم زي ده
ويا ترى امتى ممكن اعمل تحليل المنزلي ويطلع النتيجة
ياريت تفيدوني
يارب يجازيها خير ال ترد عليا وتفيدني وينولها مردها ويفرح قلبها
بس ادعولي انها ما تنزل وافرح قلب زوجي