كوبونات الراقية تسجيل الدخول

غنوتي

كيف اتصرف مع مرت اخوي حسبي الله على زوجته

الأسرة والمجتمع •

اخوي ساكن فوق امي بدور لحاله لاكن الحوش مو معزول مرت اخوي متزوجه قبل عشر سنوات وكانت زي العسل معنا وانا وياها صديقات وخوات بعد بس سكنت بيتنا قبل 3 سنوات المره تغيرت 180 درجه ادور الزله علينا وتسوي مشكله عشان تطلع بيت لحالها لان مرت اخوي الي قبلها سوت زيها ونجحت وطلعت وتبي تسوي زيها مع العلم اننا ما نرقى فوق عندها ابد ولا نشوفها وكلن يطبخ وياكل لحاله ومتى ما بغت نزلت ومتى ما بغت ترقى الشي الوحيد هو انو اذا بغت تطلع للشارع لازم تمر من حوشنا مو معزول

الزبده انها مره حملت وانقطعت عننا ما شفنها شهور مر رمضان ومر العيد والاخت ما باركت لامي ولا بتلفون وكانت تمرمر قدامي بالحوش وانا اشوفها ولا تسلم!!!!!!!!!وامي تطبخلها وهي تتوحم وهي قاطعه فيها
يوم قربت ولادتها انزلت وجلسنا نسولف معها وكاننا امس شايفينها وتحججت انها تعبانه مع انها سافرت للشرقيه مرتين!!! طيب اذا تعبانا فيه اختراع اسمه تليفون دقي سلمي على ام رجلك وعتذري.. مشينها من طيبنا ومرت الامور طبيعيه....


بعيد الفطر الي راح نزلت دقيقتين وسلمت وراحت ولاعاد شفنها يوم صار يوم الاربعاء الي راح وحنا قاعدين بالحوش مرت قدامنا وامي معنا ولا سلمت وحنا لنا اكثر من الشهرين ما شفنها!!!!!!

حنا بدينا نحترق امي دقت على اخوي ودق عليها ورجعها وقالها ترجعين وتحبين راس امي رجعت وبدت تتناقش مع امي اختب بعدتها عن امي قالت امي فيها الضغطط لاتتعبينها قالت الشر كله منكن بدت اختي تتناقش معها بهدوء اخر شي قالت لها اختي امك تتركينهاشهرين ما تسلمين قالت مرت اخوي لا امي غير امي لها 3 حقوق قالت خلاص بكرى تجيك مرت اخوي قلت لها وبعصبيه بكرى بيجيك حريم عيال وبس

اخوي نزل شايش على امي يقول لازم تعتذرون لزوجتي بناك هاوشوها وحلفت انهم ما هاوشوها ..وصب الغلط كله علي انا لاني انا الي ساكنه مع امي في البيت مع ان اختي الي ناقشتهامو انا لاني قلت لامي انا زوجي لو اقعد اسبوع ما اشوف امه طردني من البيت وانت ليش سافهتك كذا ....قال هذي السوسه خراب البيت كله منها هي ...و...و....وهي الي طارده مرت فلان وبتطرد مرتي لان اخوي الي قبله كد سكن عند امي ونفس الحكايه زوجته بدت تقلل ادبها معي عشان ادور لها علثه وتطلع وزوجها الي كان اعز اخواني بدا يدور عند اخواني ويسبني ويمدح زوجته ويقول اختي طردت زوجتي عشان يعذرونه ليش طلع ما يقولون زوجته راكبته

الزبده اني خسرت اخوي هذا ما ودي اخسر اخوي الثاني وش اسوي هل اعتذر لها مع اني ما قلت الا هالكلمتين ووش اقوله مع اني ما ابي وجع راس مليت من المشاكل
حسبي الله عليهن من حريم فرقو بيني وبين اخواني ذلونا عند سالفت البيت اجل لو انها ساكنه معنا وتاكل معنا كان وش سوت!!!!!!!
59
16K

يلزم عليك تسجيل الدخول أولًا لكتابة تعليق.

تسجيل دخول

عاليــــــة
عاليــــــة •
الله يفرج همك وييسر امرك

ويحنن قلب اخوكم عليكم

إن شاء الله البنات يفيدوكي
وحده حايسه
وحده حايسه •
لاحول ولاقوة الا بالله انا ارفض فكرة السكن المشترك يوم خرج اخوكم الاول كان رفضتم يسكن الثاني افضل
الباب اللي يجيك منه ريح سده واستريح الله يكون بعونكم
Lojain99
Lojain99 •
مالكم خص فيها, تنزل تطلع تسلم ولا ما تسلم, ايش دخلكم فيها.؟ يا اختي المحبه مو بالغصب و انتم ما راح تخسرون شئ ولا تنقصون شي لو ما سلمت عليكم. لا تدورون المشاكل و انا استغرب من اللي تقول زوجة اخوي ما تسلم علينا, كيفها, لو ما تبيكم انتم اش تبيون فيها, يعني انا الحين لو زوجة اخوي ما سلمت علي ما اقول لاخوي زوجتك ما تسلم, بكيفها و انا بعد بكيفي اسلم عليها ولا لا. انت خسرتي اخوك الاول لا تخسرين هذا اعتذري لها و خليك في حالك.
سكر بناات
سكر بناات •
لاحـوول ولا قـووه الابالله

يختي لك رائ خذي اخووك علي جنب وقووليله علي كل الي صـآر
وقـوووليله انا راضيه اعتذر بس انتاا ترضي الغلط لامي

؟؟؟؟؟؟؟؟؟؟؟؟

وعليك بلاستغفااار والدعـآء والله يحنن قلب اخوانك ياررب
هدؤ1
هدؤ1 •
Lojain99 Lojain99 :
مالكم خص فيها, تنزل تطلع تسلم ولا ما تسلم, ايش دخلكم فيها.؟ يا اختي المحبه مو بالغصب و انتم ما راح تخسرون شئ ولا تنقصون شي لو ما سلمت عليكم. لا تدورون المشاكل و انا استغرب من اللي تقول زوجة اخوي ما تسلم علينا, كيفها, لو ما تبيكم انتم اش تبيون فيها, يعني انا الحين لو زوجة اخوي ما سلمت علي ما اقول لاخوي زوجتك ما تسلم, بكيفها و انا بعد بكيفي اسلم عليها ولا لا. انت خسرتي اخوك الاول لا تخسرين هذا اعتذري لها و خليك في حالك.
مالكم خص فيها, تنزل تطلع تسلم ولا ما تسلم, ايش دخلكم فيها.؟ يا اختي المحبه مو بالغصب و انتم ما...
وبعدين خلي امك اللي تتكلم مع عيالها مو انتم
دامك متزوجة وفي بيتك ادخلي ضيفة واطلعي ضيفة