كذا مره اقرا طريقة عمل البهارات

سوي بحث بالنت وبتلاقين بالصور بعد


موووفقه
رسالة إدارية
خدمة البحث المتقدم مقفلة اليوم لإجراء بعض أعمال الصيانة ، شاكرين لكم حسن تعاونكم


إلى متى !!!!!!

الاستكر طباعه مثل الكروت

الله يوفقك
السلام عليكم ورحمه الله وبركاته


الله يوفقكم ويرزقكم ويسخر لكم عباده الصالحين


ان شاء الله البنات يفيدونج


هذي تجربه وحده من بنات حواء في عمل الابهار الله يجزاها الجنه رائعه اسال الله العلى القدير تكون في موازين حسناتها هي وذريتها الى يوم القيامه


وهي للاخت m-ghost




وهذي الطريقه

السلام عليكم ورحمة الله وبركاته
اهليييييييييييين اختي كيف حالك
انا اسفه على التاخير بس تعرفين مشاغل الدنيا
شوفي خلطة البهارات انا ماخذتها من النت يعني قعدت احوس واحوس وفي النهايه اخترعتلي خلطة من عندي واقولك اياه بصراحه انا ما عجبتني كثير بس في ناس انهبلوا عليهم وطلبوها اكثر من مرة وفي ناس خذوا مرة وما عد طلبوها يعني الدعوة ارزاق من عند رب العالمين وانا بصراحة كان في وحدة الله يجزيها خير صديقه لامي كانت تاخذ مني كميه وتوديها لحرمه ساكنه في اسكان الدمام وعلى فكرة المبالغ ما تتجمع لك بسرعه تعرفين الحريم اللي تقولك مع الراتب واللي تقولك ما عندي الحين يعني يبغالك صبر والخلطة يا حلوة هي كالتالي ملاحظة ك=كيلو
ربع ك :هيل
ربع ك :قرنفل
عشرين حبه : ليمون اسود
نصف ك :قرفه
ك : فلفل اسود
نصف ك : كركم
ربع ك : زنجبيل
ربع ك : عروق الهيل ( خولنجان )
12 حبه جوزة الطيب ملاحظة ( انا قريت فتاوي بتحريمها والله اعلم ) تقدرين تستغنين عنها لانه من ترك شيئ لله عوضه الله خراً منه
نصف ك : ثوم مجفف
نصف ك : كمون
2ك : كزبره
ورق غار يعني ممكن ملئ يدك مرتين
ربع ك : حلبه
ربع ك : يانسون
بابريكا ( فلفل احمر بارد ) انا ما حصلته صراح بس اتوقع يعطي نكهه خطير اذا حصلتي حطي كيلو
تقدري تضيفي بصل بودرة اذا حصلتي بس انا ما لقيت في ناس يضيفوا الشيبه بس انا ما تعجبني وتقدري تخليها بهارات حراقه يعني تزيدي فلفل حار مجفف .
الطريقه :
1**اهم شي تنظفيها وانا كانت تاخذ مني ايام على حسب الكميه والفضاوة اذا كان عندي وقت انا كنت انقيها كلها الا كمون اغسله
في منخل عشان ينزل منه كل التراب هو واليانسون لانهم صغار
واحطهم في صينيه كبيره احطهم في الشمس او اشغل عليهم المروحه ( بس الله يعينكم على ريحة البيت ) طبعا كل صنف لحال
2** حمصي كل نوع على حدة انا احمصها في مقالاه عاديه على حسب سعت المقلاه ولما تخلصي حاولي تخلطيها بيدك عشان
تتهوى وما تدخلها رطوبه من الحرارة الا جوزة الطيب (تحذير ريحة البهارات قويه جدا عند التحميص يعني حتى اللي في الشارع راح يشموها واذا عندك احد صدرة تعبان طلعوه من البيت ) وبعدين وديهم المطحنه وعنوانها تقريبا عند كائن بس فين بالضبط ما ادري راح اسئلك زوجي واردلك خبر بعدين .
وبعدها يا حلوة وزعيها في علب انا كنت احطها في علب بلاستيك بيضاء العاديه انا اشتريها من محلات بو ريالين يجي فيها خمسين حبه بغطاها بس اذا حصلتي علب محكمة القفل يكون احسن لاني احس ريحتها تخف مع الوقت
على فكرة المقادير السابقه تعطيك كميه حلوة وانا كنت ابيع العلبه بـ 10ريال واهم شي توديها اماكن تجمع الحريم زي الاسكان مثلا وعاد لا اوصيك بالاسلوب عشان تمشي بضاعتك وانا كنت اقولهم عندي بهارات بيتيه اشتريها وانظفها واحمصها واطحنها بس يشمون كلمت نظافه على طول يشترون منك
على فكرة البهارات الحَب مو غاليه ابدا وانتي راح تتفاجئين بالاسعار وانا اشتريها من محل اسمه ( توفيق المبارك ) في الدمام حي العدامه 1 شارع الملك خالد ت: 8260781\8160758

شوفي اختي هذه احسن وصفه قد سويتها وربي يشهد علي اني كتبتلك كل شئ اعرفه واتمنى لك التوفيق من قلبي .



اتمنا تجربينها والله يكتب لي ولكم الرزق الحلال وصلاح النيه
ربي أغفرلى مالا يعلمون وجعلني خيرا مما يظنون وجعل حياتي كلها نور وقبرنور والجنه مستقري وكل من قال أمين
يسلموووووووووووووو ياسمر الحنة بس قد ايش كنت تبعيه ب 10 ريال ماعليش تعبتك معي
وينكم يابنات انتظر ردودكم


الساعة الآن 02:34 .