السلام عليكم ورحمة الله وبركاته


اللهم اقبل صوم الصائمين وحج الحاجين واشركنا معهم بالأجر



اظن أكثركم يعاني من مشكلة القمل واللي ما يعاني أكيد سمع عن مشكلة القمل اللي منتشره اليومين هذي...


انا عانيت منها مع بنتي وولدي أكثر من مرة في السنة اللي راحت ...


وكل مرة يجيهم كنت استخدم المواد الكيماوية من شامبوات وبخاخات مضادة للقمل..


الى أن تجرحت فروات روسهم واندمر شعرهم...


فجلست أدور في النت عن حل ثاني غير المواد الكيماوية...


الى ان وفقني الله بحل يزيل القمل وبيضها (الصيبان) من استخدام مرة وحدة الى ثلاث مرات ... وازيدكم من الشعر بيت ... انه مفيد جداً للشعر و رخيص مرة و موجود في كل بيت بكل الاوقات...




المايونيز




طبعاً المايونيز البيتي مو مايونيز المحلات



أولاً : وصفة المايونيز


طبعاً ابكتب الوصفة كدواء مو أكل

وصفتي: صفار بيضتين – ملعقة طعام خل ابيض (أو مقدار غطاء علبة الخل) – بيالتين ونص زيت ذرة أو دوار الشمس (تقريباً)


تخلطينهم بخلاط يدوي أو أي خلاط كهربائي


طبعاً انا ما نجح معي المايونيز و صار لونه أبيض ...


اللي طلع لي سائل أصفر فاتح كثيف...


المهم


تضعين السائل الأصفر على الشعر من الفروة و الجذور حتى أطراف الشعر


و تدعينه لمدة ساعة


يغسل الشعر بماء فقط


ثم يتم تمشيط شعورهم بالمشط الدقيق الخاص بالقمل


بتلاحظين خروج القمل ميت


ثم يغسل الشعر بشكل عادي باستخدام الشامبو العادي


و بعد الترويش يغسل الشعر بكاس ماء مخلوط فيه ملعقة خل



بإذن الله يروح القمل اذا استخدمتي هذا العلاج من مرتين الى ثلاث مرات (يوم ورا يوم)



ميزة هذا العلاج انه اذا ما ازال القمل فانه يفيد الشعر و فروة الراس



اتمنى ان يكون هذا العلاج مفيد لكم بإذن الله



الله يقبل منكم صيامكم وحجكم


و كل اللي أبيه منكم انكم تدعون لي ولعيالي و لزوجي بالتوفيق والجنة

الله يجزاك خير
هذاي كل يوم اشيك على بنتي اذا جت من المدرسة
الله يعيننا
جوزيتي خيرا
استغفر الله
استغفر الله
استغفر الله
والله انك صادقه القمل منتشر

بس المشكله واللي ماني قادره اصدقها في مدارس الاولاد

ولدي اول سنه اولى ومن الاسبوعين الاولى جبلنا قمل

والله انفجعت لمن شفته وولدي الثاني له اربع سنوات في المدرسه عمره ماجاب شي

وبعدها صار في ولدي الثاني

والله ماخفت الا ع بنتي وع نفسي احنا شعورنا كثيره لو دخل فيها مايطلع بسهوله

بس والله كافحته في اولادي حلاقت شعور ع طول وتنظيف يومي وراح الحمدلله

اعوذبالله استغرب من الناس اللي فيها قمل الي الحين


اضغطي على الصوره لمعرفة لماذا حذف توقيعك .
وحتى حطي عسل وزيت ومشطيه كل القمل بيلصق بالعسل الله يكفينا الشررررررر سمعت انه منتشر


الساعة الآن 02:09 .