اقتباس مشاركة  (222amal)
هلا حبيبتي ..شوفي من المستحيل المستحيل انه 3كيلو سميد تحطي عليهم بس كاسة ونص دهن وغييييييييييييير صحيح ولاااااااااااااا معئوووووووووووول وازا بدك نصيحتي اعملي طريقتي وشوفي كيف رح تزبط معك وبعدين انا بحط عالكيلو 500 غرام فروحي عوصفة ام ياسمينا وشوفي اديش بتحط عالكيلو ...بتحط بالزبط متلي ونفس الكمية هي حطتت عالنص كيلو 250 غرام فالكيلو بيطلع 500 غرام وانتي حرة بالقرار النهائي وبعدين لو عندك حد مريض وعنده كوليسترول يعني اديش بده ياكل ؟؟ما رح ياكل كتييير اساسا لانه حبيتين بعتبر كفاية فما رح يطلع فيهم كتييير دهون
وفي شي برضو المعمول اللي بالسميد مستحيل يتشكل عشكل حلقاتتتتت وما بيزبط ابدااااااااااا وشوفي ام ياسمينا كيف بتلفه وبتحشيه وبامكانك تنئشيه او لا








هاد تطبيقي للتمر من وصفة ام ياسمينا
وهادا معمول الفستئ بس حشيته جوز وعملته بالقالب





19-12-1431 هـ, 12:13 صباحاً
 
اقتباس مشاركة  ( )
اهلين عزيزتي

والله بالنسبة لمعمول الاساور والحبل ما جربته تجربتي بس معمول الي بالقالب
اذا حابة جربي نص هاد المقدار بس مش الان بعد كم شهر بس تنسي ازمة المعمول وتشتاقيله

جربت كذا وصفة ل نجاة حلو طبخها اتذكرني بمنال شوي
او اكتبي في اليوتيوب مطبخ نجاة وبتطلعلك قناتها

شوفي حبيبتي مرة سمعت في التلفزيون كنت اتابع شيف بحرينة اسمها افنان اكيد شفتيها قالت انو الطحين ياخد ماي على حسب نوعه او على حسب حرارة الجو والسميد اعتقد نفس الشي
انصحك جبيي افضل نوع سميد وطحين لمن تسوي المعمول اتذكر سميد حلواني كان نوعو طيب اعتقد مكتوب على الكيس تك تك
والطحين الكويتي

نوع الصينية الي بتخبزي فيها ودرجة حرارة الفرن وباي رف في الفرن حطيتي الصينية
المعمول حساس جدا
المفروض صينية قصيرة الحافة في الرف الاوسط درجة 180 مئوية وما يطول في الفرن شوي من فوق وشوي من تحت بس

دائما اغلب وصفات المعمول الناجحة بتكون
كيلو سميد او مخلوط مع طحين المهم كيلو
نص كيلو المواد الدهنية
ثلاثة ارباع كاسة ماي
هاد المقدار الاساسي

مقدار جارتك والله ما اعرف يمكن هي بتسوي وبيضبط معاها
بس مقدار الدهون قليل متل ما قلتلك ماعندي خبرة في معمول الاساور


الدهن والماء اذا زاد او نقص ما بيتماسك المعمول
يمكن انت ما بتستخدمي الكاسات المعيارية
شفت بموضوع ام ياسمينة انو النص كيلو يعني كوبين ارجعي للموضوع واتاكدي



على سيرة منال انا من عشاق متابعة منال انا الان مغتربة في كندا ويوميا بتسلى بصنع الحلويات
كتاب منال جربت منو اشياء كتيرة اغلبها حلوة بس الصراحة كانت صدمتي فيها كبيرة بعد ما جربت المعمول الفاخر

من الكتاب جربت البوركلي والدجاج رائعة هاي اكلة اساسا كندية وجربت الاكل الصيني حلو بس اضفت عليه خضار اكتر هي في الوصفة مش حاطة خضار كتير وجربت الكيكة الي في اخر الكتاب بالشوكولاته ضبطت بس ما اعجبتني دسمة كتير كتير البيتزا الصغيرة حلوة سينامون الزعتر برضو ما عجبني البتفور وسط جربته في العيد من زمان كان عندي مقدار للبتفور اكتر من رائع وضاع مني احلى من الي في الكتاب
السليق حلو بس اضفت عليه حليب زيادة
هاد الي اتذكرتو الان عموما انا دائما قبل ما اطبخ ولاني فاضية حاليا الطبخة الي بدي اسويها قبل ما اطبخها على طريقتي المعتادة بفتح اليوتيوب وبكتب مثلا كودو منال بشوف طريقتها وبسويها مثلها اليوم شفتها حسيتها افضل من طريقتي بمراحل بجربها بكرة ان شاء الله
اذا الوصفة مو موجودة بسوي على طريقتي
نفسي انزل اكلاتي في المنتدى بس ما اعرف انزل الصور في االموضوع


على فكرة شفت موضوعك الي بتوقيعك انا من اربع سنين تقريبا شغل بالي هالموضوع كتير كتير
شكلي انا وانتي نفس الافكار هههههه
قرات كتير عن الموضوع وكنت ادعي دائما ربي يرزقني بتوام بنت وولد خفت اخد ابر او ادوية خفت الصراحة من المضاعفات خليتها على ربي
بس سبحان الله ربي ما كتب وجبت ولد ولمن صورت قالتلي الدكتورة واحد زعلت كتير كتير بس قلت لعلو خير

وسبحان الله السنة الماضية هاجرت على كندا وابني كان عمرو سنة ونص ما بتتخيلي تعبني كتير سبحان الله خيرة انو ربي ما بعتلي توام لاني متشنططة وكل فترة منغير الولاية الي احنا فيها وتغيير بيت يعني لو كان عندي واحد تاني مثلو يمكن كنت اتجننت

كل شي من عند ربي خير انت اذا نفسك في توام ادعي واسغفري كتير وربي يكتبلك الي فيه الخير بس اهم شي اذا طلع واحد مش اثنين لاتزعلي ما ابتعرفي وين الخير وما بتعرفي الايام الجاي ايش فيها ربي بيختار الانسب دائما للعبد

طولت عليك لا تاخذيني على اللهجة انا سورية وطول عمري مغتربة بين دول الخليج يعني لا تدققي كتير
في امان الله
وهذا رد لها بعد عزيزة وغاليه والله حبيت تستفيدو
19-12-1431 هـ, 12:39 صباحاً
 


الساعة الآن 04:01 .