السلام عليكم ورحمة الله وبركاته
اخباركم يا حلوات واشلون العيد معاكم
كل عام وانتم بخير .. وعساكم من العايدين السعيدين الفايزين ان شاء الله
.
.
.
كلكم سمعتوا عن تكة لحم .. بس سمعتوا عن تكة كذابة
اليوم بعلمكم الطريقة وهي سهلة وطعمها لذيذ وان شاء الله تعجبكم
.
.
.
بسم الله نبدأ
نحتاج
لحم مقطع مكعبات صغيرة
بصلة مفرومة
ملعقة بهارات مشكله - فلفل اسود -رشة زنجبيل مطحون - ليمون اسود مطحون وكثري منه
ملعقتين كبار زبادي
ــــــــــــــــــــــــــــــــــــــــــــــــــــــــــــــــــــــــ
نضيف البهارات على مكعبات اللحم ونكثر من الليمون الاسود لانه اساس النكهه.. يعني نحتاج 5 ملاعق صغار تقريبا ونخلطها زييييين كانك تعجنين عجينة

في قدر نحمس البصل لين يذبل

نضيف اللحم ونحرك

نضيف الزبادي ونحرك

وهذا شكلها
و
نغطي القدر بالقصدير ونخليها على نار هادية لين ينشف ماي اللحم يعني ياخذ ساعه ويمكن اكثر
وفي فدرالضغط يحتاج ربع الى ثلث ساعه

نسيت اخبركم شبوافحمة وحطوها على اللحم بعد ما تستوي عشان تصير كانها مشويه.. انا ما سويت هالخطوة
طبقنا جاهز حياكم
.
.
.

زوووووووم

قدمتها مع الخضروات اللي كانت متوفرة عندي (نعناع .. بقدونس .. شبنت) وزبادي

فعلا طبق سهل ولذيذ ( التكة الكذابة) هههه
وبعده شاي نعناع ويا سلاااااام

اتمنى الطبق عجبكم
دعواتكم
12-12-1431 هـ, 04:47 صباحاً
 

3.00

عدد التقييمات: 1
5
4
3
100%
2
1
روووعه ماشاء الله

شكل الطعم خيال

الله يعطيك العافيه
12-12-1431 هـ, 05:38 صباحاً
 
اقتباس مشاركة  (تنتظر فرج ربها)
روووعه ماشاء الله

شكل الطعم خيال

الله يعطيك العافيه
الله يعافيك يا عسل
12-12-1431 هـ, 06:41 صباحاً
 
روووووووووعه ماشاء الله تبارك الله


عوااافي
12-12-1431 هـ, 06:43 صباحاً
 
اقتباس مشاركة  (سـحــ الورد ــــر)
روووووووووعه ماشاء الله تبارك الله


عوااافي
الله يعافيك .. اسعدني مرورك
12-12-1431 هـ, 06:57 صباحاً
 


الساعة الآن 10:00 .