السلام عليكم ورحمة الله وبركاته,,
طبعا هذي بعض المواقف اللي اتذكرها صارت مع ابني ربي يحفظه,, عمره 3 سنوات ..
بس والله عليه طلعات أحيانا يفطسسسسسسسس من الضحك...
اولا: مواقف الغنم:
طبعا الحبيب يحب الغنم , ودائما يروح يتفرج عليهن , ومره شاف عمي يذبح الغنم بعيد الاضحى .. وبعد مده شافه مره ثانيه ,, وطااااااار يركض عنده ,, وانا استغربت احسبه بيسلم عليه ,,لكن جااااااااء طوااااااااالي وقال له:أنت أنت أنت اللي تقطع الغنم,, وطبعا النظرات والتعبيرات كانت نظرات حقد وكره ,, ولما جاوبه عمي قال له:ايه انا,, ويقوم حبيبي عبودي ويعطي عمي نظره قويه,, ويفحط ولاتشوفين الا غباره..
وفي هذي السنه بعيد الاضحى بعد ماضحينا وخلصنا,,وحنا راكبين مع زوجي في السياره,قال عبودي:بابا ابي اروح للغنم,قال له ابوه:ماشفتهن اليوم .قال:لا ابي غنم ماشققن(خخخخ يالخكري قصده ماذبحن وقطعن)
ثانيا:البيت الجديد:
هذا ياطويلات العمر مره كنا رايحين عند اختي نساعده ببيته لانه ساكنه ببيت جديد لكنه ايجار, والاخ بعد مادخلنا ببيت أختي , وهي تورينا البيت , وتقول انه جديد و و و... الا ونسمع صوت عبودي يصييييييييح,, وانا اصرخ عليه وش فيك, قال: نبي بيت جديد مثلهم,حنا بيتنا صغير ,, مع اننا قبل 4 شهور ساكنين ببيت جديد ومو صغير مره..
ثالثا:المشغل:
تخبرون الشوشه وما ادراك ماالشوشه, الشعر, والكدش بلغة أخرى.
وانا من محبي الشعر الطويل للاولاد هههه, وبالرغم من ان شعره خفيف,, لكن اطوله ,,وكثير وخصوصا من الكبار يقولون قصيه,ومرات اقصه ومرات تحديد بس , لن هالمره قلت بروح للمشغل تحدده بس,يعني يكون من الخلف قطعه وحده تقريبا,المهم وقصته الكوفيرا وانتهى الموضوع عااادي.
ومن بكرا قلت له تعال ابي ارتب شعرك,بعد ماقصته الكوفيرا, قال: لا هي ماقصته أصلا خربته. (ههههه عسى بيت الظالم يخرب,, لكنه شكله سامع احد يقول خربته وجاء يقول لي).
رابعا:موقف جده المتوفي:
طبعا جد ابني متوفي من زمان ,وكنت اقول له ,ان باباعبدالله(اللي هو جده)بالجنه , قال :ليش مايجي لنا.
قلت له: انه بالجنه,كيف يجي, قال: انا بروح اسحبه كذا وجيبه عندنا واسكر باب الجنه عشان مايدخل.(لاعادت,, وش هالشوق الله يكفينا شره).
خامسا:القصص اللي مالها حد :
طبعا دائما يقص علي قصص متشابهه, والعجيب ان قصصه كلها عن ولد صغير ويبدأ بالمدح وان الولد نظيف ومرتب و و و .. ومره سألته : وش اسم الولد,قال:اسمه فلان(اللي هو اسم عائلة عبودي) المهم انه واضح انه يقصد نفسه بالقصص اللي يرويها.
والنكته, اني مره كنت حاطه مناكير بأظافري طبعا<<أجل وين خخخ , المهم وبعد ماشاف المناكير جاء ياخذ اظافري,ويبوسها, بعدين قال:اني بقول لك قصه ,, وبدأ يسرد القصه عن هذا الولد النظيف و و ..
وقال :انه يحط مناكير عااادي(يلمح يبي احط له مناكير) .
وان امه ماتقفل عليه الغرفه (يلمح لا تقفلين علي)
سادسا:بنتي .. لا ماما:
هذا ياطويلات العمر ابوي الله يحفظه ,, أحيانا يجي يقول لابني ,, ترا هذي(ويأشر علي) تراها بنتي , بعدين عبودي يقول: لا هذي ماما, وابوي يقول : لا هاذي بنتي , والابن البار: يقول: لا ماما ( النكته ان عيونه اغرورقت بالدمووووووووع)وهو يقول لا ماما..فديته بس. الله يخليه ويحفظه.
سابعا: اصدقاؤه في الروضه :
طبعا الابن يدرس في الروضه فقط سعة صدر وتغيير جو , وعندهم بنت اسمها (فجر) , واذا كنت اتكلم واقول صلاة الفجر .. والفجر , والى الفجر ,و كل ماجاء طاري الفجر: نط الولد بوجهي ,وقال : فجر اللي بالروضه ,, ليش ,,, وسيل من الاسئله يحسب اني بروح لها ولا شيء ازعجني.
ثامنا: مواقف قناة المجد:
طبعا الحبيب يناظر قناة المجد للأطفال, ودائما يشوفهم بالاعياد يعرضون اناشيد لاطفال يلعبون بالالعاب الكهربائيه,جاء وقال لي: ماما تراي بروح للمجد خلاص, وانتم تشوفوني بالمجد, عشان اركب بالالعاب, فرحمته وحلفت اوديه للألعاب باقرب وقت , والله مايسوى بيروح للمجد عشان الالعاب,,
وأسأله:اي الالعاب بتركبها, يقعد يأشر ويختار من الالعاب اللي في الاناشيد.(والله كسر خاطري)
هذا اللي يحضرني الان...
وادعوا له بالهدايه والصلاح وان الله يرزقني بره ,,,
البااااسقه @albaaaaskh
محررة
يلزم عليك تسجيل الدخول أولًا لكتابة تعليق.
ههههه الله يحفظه لك ويخليه والله انك صادقه احيانا تجي للصغار مواقف تفطسس من الضحك عند اخوي ولد نككككتتته مره سوا حادث مع ابوهم طبعا ماصارلهم شئ جابه اخوي عندنا جاني يقول بابا مايعرف يسوق وكل ماركب السياره مع ابوه قام يقوله بابا ماتعرف تسوق انت سوق زين هههه الله يحفظه لاهله تسلمي عالموضوع ياقمر
ههههههههههههه ما شاء الله عليه الله يحفظه لك ويرزقك بره اذا هو جنبك اعطيه بوسة مني لا تنسينههههههههههههه ما شاء الله عليه الله يحفظه لك ويرزقك بره اذا هو جنبك اعطيه بوسة مني لا تنسين
الله يسلممك..
ههههه ناديته وقلت له: هذي البنت تقول عطيه بوسه .. وبسته .
قال : وين البنت , وانا أأشر على اسمك ,, قال :لا هذي مو بنت .. ويستلم الكمبيوتر ويضغط الاسهم راقي نازل ,, يدور البنت ,... ههههههه
ههههه ناديته وقلت له: هذي البنت تقول عطيه بوسه .. وبسته .
قال : وين البنت , وانا أأشر على اسمك ,, قال :لا هذي مو بنت .. ويستلم الكمبيوتر ويضغط الاسهم راقي نازل ,, يدور البنت ,... ههههههه
ههههه الله يحفظه لك ويخليه والله انك صادقه احيانا تجي للصغار مواقف تفطسس من الضحك عند اخوي ولد نككككتتته مره سوا حادث مع ابوهم طبعا ماصارلهم شئ جابه اخوي عندنا جاني يقول بابا مايعرف يسوق وكل ماركب السياره مع ابوه قام يقوله بابا ماتعرف تسوق انت سوق زين هههه الله يحفظه لاهله تسلمي عالموضوع ياقمرههههه الله يحفظه لك ويخليه والله انك صادقه احيانا تجي للصغار مواقف تفطسس من الضحك عند اخوي ولد...
ههههههههههههههههه
ياحبني له ,,,
زين ماقال : عطني اسوق بدالك ... الله يحفظه اسم الله عليه
ياحبني له ,,,
زين ماقال : عطني اسوق بدالك ... الله يحفظه اسم الله عليه
الصفحة الأخيرة
ما شاء الله عليه الله يحفظه لك ويرزقك بره
اذا هو جنبك اعطيه بوسة مني لا تنسين