ترى مافيه شي يواجه مثل الرز والدجاج سوي دجاج محمر بالفرن وزيني الرز الابيض بالزبيب والجزرالمكشن وعليه شوي صفار ونص حبه ماجي والبيض المسلوق
والسلطات وحطي بين صحون الرز باديه جريش وباديه قرصان مع ذا البراد ياسلالالالالالالالالالالالالالالالالالالام
واذا ودك صواني جانبيه سلطات ورق عنب منتو لازنيا انا حطيت اصناف وانتي اختاري ع حسب اهلك ايش يفضلو
ولاتنسي صينيت الحلى او حطي حلى الكاسات واذا خلصوا من العشاء وزعيها عليهم لانهم اهلك يكفي شوفتهم لك مبسوطه بجيتهم الله لايحرمكم من بعض...........
14-12-1431 هـ, 04:04 صباحاً
 
انا بعد مثلك عازمه خالتي وبنتها ولاادري شسوي
14-12-1431 هـ, 05:36 صباحاً
 
شوفي هذي عجينه روووعــه للبيتزا خصوصا لو سويتها صغار

3كاسات دقيق كويتي+3م ك حليب بودره + 1م ك ونص خميره + فنجان قهوه سكر + 1م ك كاسترد << لاتستغربين
+ رشة ملح + بيالة زيت <<< افركيهم زين ثم ضيفي المويه تقريبا مقدار كوب على حسب لين تتماسك وتكون عجينه قطنيه رووعه واتركيها تخمر ساعه

واثناء هالمده سوي كشتنك وقطعي الفلفل والزيتون

=============

وهذي عجينه ثانيه لكل شي

3 ك ونص دقيق + 3 م ك حليب ب + 1م ك خميره + 1م ك بكنج بودر + فنجان قهوه سكر+ بيالة زيت + رشة ملح + مويه للعجن
واتركيها تخمر نص ساعه

=============

الحلى

جيبي كاسات وقطعي كيك لوزين ووزعيه على الكاسات
في الخلاط حطي 2 ظرف دريم ويب + 1ظرف كراميل +قشطه+ 4 جبن كيري
ووزعيه فوق الكيك

ذوبي 3 سنكرس كبير بحمام مائي مع فنجال حليب سايل وملعقة زبده ووزعيه ودخليه الثلاجه لوقت التقديم

===========

او حلى ثاني موس الشامواه رووعه

كيك اليمامه فكيه ووزعيه في الصينيه

بقدر على النار حطي ظرف كراميل وكوب حليب سايل و1م نسكافيه << احيان احط كاكاو اذا ماتوفر النسكافيه
واذا غلي غلوتين ارفعيه من النار وصبيه بالخلاط الجك مع 17 حبة بسكوت مكسر + قشطه

اخلطيهم زين وصبيه بشويش فوق الكيك ورشي كاكاو بودره بالمنخل ودخليه الثلاجه

===========

حلى سهل مره وحق الزنقات
كيك العائله مقطع شرائح ورصيه بصينيه وبالخلاط 8 كيري ونستله وصبيه فوق ودخليه الثلاجه يتماسك وزينيه بخطوط شكولاته هيرشي

وادعيلي وانا اختك ربي يرزقني بأبن الحلال
على فكره كلها مجربتها
14-12-1431 هـ, 05:39 صباحاً
 
بـــنات اي شي تبغونه ترا انا بالخدمه ومجربه تقريبا كل الطبخات اللي ينزلونها اخواتي بنات عالم حواء ربي يسعد قلوبهم
14-12-1431 هـ, 05:42 صباحاً
 
لله يسعدكم والله فرجتوا همي الله يحقق امانيكم يارب
وياملكة غرفتي شكلي بأصاحبك لاني امووووووت عالطبخ واتمنى منك المزيد
ومشكورين
15-12-1431 هـ, 07:04 مساءً
 


الساعة الآن 05:15 .