انا عندي خبره بالمكياج ونفسي اكون ماكييره واسترزق من هالهوايه ماعمري دخلت دوره بس عندي هوايه من وانا صغيره المهم من شهر قررت اسوي مشروعي هذا ولكن مشروعي يبغاله عالاقل ميزانيه 5000 ريال قطري عشان اشتري مستحضرات بس للاسف والله ماعندي غير 500 ريال قطري رحت شريت فيهم مكياج بس والله ماغطوا 3\4 مشترياتي الباقيه من المكياج ارجوكم ادعولي ربي يفرجها علي واقدر اوفر باقي المستحضرات.خاطري يصير عندي دخل واقدر اصرف على اخواني الايتام

سؤالي لكم" في الدورات التعليميه للمكياج شنو اهم شي تبدون فيه وكيف توصلين للزبونه طريقه التعلم الصحيحه بحيث تطلع متمرسه صح من عندج مو تطلع متضايقه وتدعي علي وتقول ماتفهم بسرعه او ايدها ثقيله من هالنوع ارجوكم لاتبخلون علي بخبراتكم ابي تعطوني كيف تبدون بالدوره والشرح والخلاصه والتطبيق
14-12-1431 هـ, 12:16 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
هلا اختي
الله يوفقج بس اللي فهمته منج انج تبين تعطين دورات بالميك اب صح , طيب كيف تعطيني دورات وانتي لسه ماتمرستي واتقنتي الشغله بأختصار لازم تدخلين مواقع وتقرين وااااااجد عن المكياج واذا تقدرين تشترين كتب عشان تقرين ممتاز بعدها طبقي على اهلج المكياج عشان تخف يدج وتاخذين خبره بعدها تقدرين تعطين دورات لازم تكونين واثقه من نفسج اكثررر واتمنى اني افدتج بشي لو بسيط واي استفسار انا بالخدمه اختي
14-12-1431 هـ, 12:31 صباحاً
 
والله اني فنانه اختي بس اقصد مثلا طريقة الشرح رح اطبق المكياج على عيوني صح مثلا أو عليها ولو انا مثلا بغيتها توريني كيف فهمت تطبق على مين وهكذا وهل لازم اعلمهم مسميات المستحضرات والبيس ومثبتات المكياج وأحسن انواع المستحضرات انتوا كيف تبدون بدوراتكم؟
14-12-1431 هـ, 12:41 صباحاً
 
هلا اختي
مدام انج فنانه على حسب الدوره اختي يعني سوي دوره للمبتدئات اللي ميح مايعرفون حتى يخطوون كحل بعيونهم ودوره ثانيه للفاهمين بالمكياج بس يبوون يعرفون رسمات اكثر يبون يعرفون الدمج وهيك
شوفي ااختي مثلا المتدربه تبي مكياج لنفسها عرفتي ماتبي تصير كوافيره تشتغل بمشغل تبي تضبط نفسها هذي تعطينها دوره بالاساس شنو الاساس اللي يناسب بشرتها ولونه وهل بشرتهاا تحتاج كونسيلر او لاااا ونوع بشرتها وبعدها انواع الرسومات اللي تناسب عيونها
وكيف تدربينها تحطين مرايه قدامهاا وتشرحين على بشرتهااا وتعلمينهاا عيوب وجها وكيف اخفاءها وبعدها ترسمين رسمه وحده على عيونها وهي تطبق بالعين الثانيه وهيك اذا كان بس متدربه واحده
14-12-1431 هـ, 12:53 صباحاً
 
شوفي اختي لازم تسوين لج منهج خاص فيج
واي سؤال حاضرين
14-12-1431 هـ, 12:58 صباحاً
 


الساعة الآن 07:34 .