السلام عليكم ورحمة الله ....

رابط الموضوع القديـــــــــــــم وكله معلومات قيمــــــة
http://forum.hawaaworld.com/showthread.php?t=1927499


بالبداية ابغى اشكر صاحبة الموضوع القيم فوتشيني واستأذن منها على فتح الموضوع هذا المكمل لموضوعها لان الموضوع سار كبير جداً

وعدد صفحاته كثيرة .. واقولها مبروك ماجاك ويتربى بعزكم ..... ويدرس بمدرستك ان شاء الله ...

انا لي فترة اقرى بموضوعكم ما شاء الله شاااامل لكل المعلومات .. ويكفي تجارب البنات مع الجهات الحكومية ...

وانا عندي نفس المشروع .. وإلى الان ما قدمت على شي ...

على اساس بعد عيد الاضحى الكريم ابغى اقم على بنك التسليف لكن صدمني خبر اليوم بصحيفة سبق .. ان البنك اوقف تمويل المشاريع الصغيرة بسبب عدم جديت المستفيدين من القروض ...

وانهم راح يحطون اجراءات ثانية اكثر دقه ,, يعني تعقيد اكثر على القروض بالفتره المقبله ....

عشان كذا للبنات المبتدائات خلينا نستغل الوقت يد بيد مع بعض ندرس ماهية الروضة وكل شي تحتاجه الروضة حتى لو من دورات او دراسة جدوى يعني نعبي البيانات مع بعضنا ونطور انفسنا على مهلنا قبل فتح الروضة وعلى بال ما يفتحون التمويل من جديد ...

بنسبة للبنات اللي يشوفون سنه او سنتين كثير على فتح الروضة ابغى اقولها مو كثير على مشروع العمر ....

لااازم يكون اكثر دقـــة اكثر جديه مو اي كلاااام .....

هو مو محل بيع ملابس لا محل تعليمي تثقيفي ....

يعين لو انا نكون مع بعضنا في شرح كل نقطه صدقوني راح نطور روضاتنا لافضل شي ...

يعني انا مثلاً ما عندي خلفية بالروضات ...

صحيح اني بكالوريوس بس مو تخصص راض اطفال ....

هذي اول نقطه ممكن تعيقني بالعمل .. يعني ما عندي اي خلفية بالروضات

طيب ما استلمت ادارة تعليميه من قبل ... كيف راح اكون مديرة ولا حتى اعرف شي بالادارة ... هذي نقطة ...

خلينا نشتغل على انفسنا اول شي ....

جات فكرة ونبتت في عقولنا وكبرناها ... وشطحنا لمكاسبها واحنا من جو خاوين ما فيه اي معلوومة تدعمنا ...

وقتها اذا واجهتك مشكله راح تفتحين فمك قدامها ....

ايش الحل ؟؟؟؟

الحل انا ناخذ دورات رياض اطفال ... ودورات ادارة رياض اطفال .. ودورات ادراة المشاريع الصغيرة ...

هذي اووووول نقظه نقوم فيها .....

انا بالبداية ان شاء الله راح اقدم على الغرفة التجارية وابغى اخذ دورة عندهم بالمشاريع الصغيرة وكيف اديرها

ابغى عدد من البنات معاي نمشي خطوه بخطوة حتى نوصل

طبعاً اهم شي خبرات البنات هذي ما نستغني عنها ابداً

خلي شعارنـــــــــــــــــــا

(( يــــــــــــــد بيـــــــــــــد نبني المستقبـــــــــــــــل ))
ياسر المشعل ـ الرياض: قالت مصادر مطلعة لـ "سبق": إن "البنك السعودي للتسليف والادخار أصدر بياناً عاجلاً في نهاية الدوام الرسمي قبل عيد الأضحى المبارك لجميع فروعة، بإيقاف تمويل المشروعات الصغيرة والناشئة في الوقت الراهن".
وقال المصدر: "إن القرار يأتي بعد تلقي إدارة البنك تقارير داخلية تفيد بعدم جدوى تلك المشاريع وعدم جدية غالبية المقترضين".
وأضاف المصدر أنه "سيتم مع بداية العام الجديد وضع آلية جديدة، سواء في المشاريع التي يتم تمويلها، وكذلك آلية التقديم والسداد"، مضيفاً: "إن الكثير من أصحاب المشاريع لم يسددوا وهناك عجز كبير ؛ مما جعل إدارة البنك تتخذ وتصدر ذلك القرار السريع".
يشار إلى أن المشاريع الصغيرة والمتوسطة وجدت إقبالاً كبيراً من الشباب السعودي، الذي نتج منه قرابة عشرة آلاف مشروع بقيمة تجاوزت ملياري ريال سعودي.






معليش يابنات لا تتحبط معنوياتكم ...

الشغله مؤقته ... وراح يفتح بإذن لله التمويل مره ثانية ...

خلال الفترة هذي خلينا نشوف دورات نشغل وقتنا فيها تفيدنا بالمستقبل بإذن لله
الله يوفقكم لكل خير يارب
اب


الساعة الآن 03:33 .