السلام عليكم ورحمة الله وبركاته

أخواتي الف مبروك للي حصلت على الموافقة المبدئية والتي لم تحصل عليها أسأل الله العلي القدير أن يعوضها خير من ذلك

أعذروني على الانقطاع لكن كان ذلك بسبب ضروف عائلية
23-07-1433 هـ, 06:05 صباحاً
 
حياك دارين ياعمري ...بشرينا عسى الاوضاع معك طيبببببببببببببببه

أهم شيء تكوني واهلك بخييييييييييير وعساها اخر الانقطاعات

نوريني ياقلبي ....

الان بعد الموافقة يرسلون لك بموعد كتابة العقد ... تمام كذا

وهل طلبوا منك قبل كتابة العقد دراسة جدوى مفصلة .... وهل طلبوها من مكتب أو من شغلك

عسى ربي يوفقك
23-07-1433 هـ, 07:05 صباحاً
 
ألف ألف ألف مبروك أخواتي عتيقة الصوف , دارين وعقبال افتتاح المشروع يارب
بنات ردوا عليكم عالجوال أو على موقع البنك ؟؟
عقبااااااالي يابنات ادعوا لي
23-07-1433 هـ, 12:44 مساءً
 
مساء العسل اخواتي فدددددددددددددددددددديتكم
والله يابارك لكم وفيكم ويبارلكم في رزقكم قولوا آآآآآآآآآآآآآآآآآآآآمين
انا سؤالي مثل سؤال فنون طفل وكم عدد صفحات الدراسة
بنات انا دخلت دورة قبل شهر تبع صندوق الامير سلطان لادارة المشاريع وكانت جدا رائعه
ووزعوا لنا دراسة الجدوى كيف تعدينها بس حلفونا وما راح يحللونا اذا شلينا اسمهم ونسبنها لاحد ثاني
وش اسوي الحين بعد الموافقه ابداء اجد لي مبنى والا انتظر الين اوقع العقد
وش الخطوات الي لازم ابداء اسويها الان ... لاني بس قاعده على النت اجمع معلومات عن رياض الاطفال
اش اسوي فديتكم ؟؟؟؟؟؟؟؟؟؟
23-07-1433 هـ, 01:57 مساءً
 
أختي سوزان افكر ان تكون بدايتي تكون بشكل مبسط فمثلا افتح فصلين فقط واستأجر باص واحد .. وش رايك ؟

ودي أعرف فيه أحد ابتدأ نفس اللي قلته ونجح ؟! أخاف اتورط .

ودي استفسر عن طباعة المناهج على حسابي أم على الوزارة ؟ (علما اني بكتفي بمنهج الوزارة )

وبالنسبة الإداريات هل يشملهم نظام المعلمات في الرواتب ؟ وهل يشترط في الاداريات يكونوا سعوديات ؟

وراتب الطبيبة هل على حسابي ام على وزارة الصحة ؟

آشكركم تعبتكم معي ..
23-07-1433 هـ, 02:16 مساءً
 


الساعة الآن 09:28 .