اقتباس مشاركة  (ام بدرعبدالله)
هلا اختي ام مشاري ..

انا بالخدمة وتحت امر الجميع ويسعدني اني ارد على استفسارك بخصوص الاثاث اولا : احصلي على الكاتلوج الخاص بفناتير او المثلث وبعدين حددي اللي تحتاجيه من كل قسم لان فيه اثاث والعاب تخص كل ركن .. اذا الميزانية عالية ممكن اشتري الدواليب والطاولات من عندهم واذا على القد اشتري الكراسي وفصلي عند النجارين نفس اللي بالكاتلوج بنفس القياسات وطبعا انتي وشطارتك .. عن تجربتي : رحت لفناتير وماطلعت منهم بشئ ..فقررت اروح للمثلث وبصراحة اشتريت منهم بمبلغ وقدره واكيد عملوا خصم وبعد ما وصلوا البضاعة المسئول رجع عملي خصم اضافي لما عرف ان الروضة جديدة .. وفيه امور كثيرة اخذتها من اماكن عادية ورخيصة وبصراحة انا لست من سكان الرياض .. فاعتذر منك ما اعرف المحلات بس اي سؤال يخص التاثيث او غيره انا حاضرة ..
انا عندي قريبتي مشرفة رياض اطفال وبصراحة ساعدتني كثير واستفدت من خبرتها بالتاثيث ..

واكيد ماننكر جهد اختنا صاحبة الموضوع ارجعي له راح تستفيدي منه كثيييييييييييييييييييير .
06-01-1434 هـ, 12:44 صباحاً
 
رفيقاتي ... وينكم فنون وسوزان والاخريات اتمنى لكن التوفيق والسداد
06-01-1434 هـ, 12:47 صباحاً
 
يعطيكم العافيه جميعا ً (بالعز نبني الامم)
أختي ام بدر ))شاكره وممنونه لردودكم
حبيت أقولك ام بدر انا رحت المثلث وفناتير وطبعاً اعطوني كنالوج بس المشكله الكبيره اللي واجهتني اني مؤ تخصصي رياض اطفال وزي ما شفتي المثلث أغراضه كثيره ومتنوعة فما اعرف ويش المهم اللي أخذه وغير المهم
علماً انه قال بيجهزون من عندهم عدد الفصول اللي أبيها تكلفه الفصل الواحد15 الف
هل هو مناسب او غالي
لان والله العظيم مادري وايش الاركان واحتياجات كل ركن
مدري ويش اخذ ويش اخلي والله حاااااايسه بالحيل ..
06-01-1434 هـ, 07:26 صباحاً
 
الله يسهل للجميع يارب
ام بدر حبيبتي عندك السي دي الخاص لتجهيز الروضه اللي من التربيه والتعليم وانتي باي منطقه صراحه انا رحت فناتير اللي بالدمام ام المثلث لسى ما رحته لاني جالسه انتضر البنك برد على الى الان ما حدد موعد للمقابله طيب اخت ام مشاري ليه ماتاثثين من غير الادوات يعني من غير الالعاب الخاصه للاركان واذا وظفتي معلمات ومشرفه سوي اجتماع ووريهم الكتالوجات وشوفي ارائهم واحتياجات الروضه هذا اقتراح بس ما ادري اذا يمشي او لا ام بدر ايش رايك بالاقتراح
06-01-1434 هـ, 01:49 مساءً
 
امين يارب وياك ان شاء الله
غاليتي بالعز نبني الامم،،،
انا وقت مارحت المثلث وفناتير قالوا هم ياثثوا الفصل من خلال متطلبات وزاره التربيه والتعليم يعنى ع قولته فصل نموذجي بس وحده قالتلي اذا انتي بتختاري بيكون او فر لي
بس ما اعرف ويش اخذ
انا حبيبتي لسه في بحث المبني بس ودي اجمع كل المعلومات طبعاً اتمنى افتتح روضتي ع بدايه السنه القادمه
فما ادري ودي افتحها وهي كامله وبخصوص المعلمات الفكرة حلوه بس المشكله لو أتأخر في تجهيز المبني وإعداده ويكون المعلمات وقتها ع بدايه العام مدري يكون عندي وقت ولا لا
اللي ودي أسويه اجمع المعومات كامله
ع الأثاث والاحتياجات كامله بحيث اني اكون مرتبه كل شي في حاله اكتمال المبنى اكون خلاص شلت هم الأثاث من بالي
الله يسر لنا ويسهل علينا كل أمورنا يارب
بغيت أسالك انتي بحثتي عن مبنى او لا
لان ترا مساله المبنى يبغالها وقت انا ليه ٥ شهور ولسه ما لقيت المناسب
الا الحين داخله الشهر السادس وبعد
الله يسرها من عنده ..
خلينا ع تواصل
06-01-1434 هـ, 04:13 مساءً
 


الساعة الآن 02:53 .