اي ادري لكن انتي اخترتي المنهج او بعد انا احس اني قادره اختار الالعاب

بصراحه لسى ما دورت لاني استنا البنك يردون علي لاني باقي لي امقابله علشان احصل الموافقه المبدئيه
والى الان ماردو علي واذا تبين تفتحين على السنه الجايه لازم تسرعين لانه التربيه والتعليم قالت لازم تقدمين قبل فتح الروضه بست اشهر على الاقل علشان يمديك تخلصين الاجراءات الله يسهل لك يارب ويسهل لي
 
ياهلا وغلا اختى بالعز نبني الامم
ياحبيبتي انا شفت المنهج المطور المشرف عليه جاسم المطوع عاد مادري اعتمده ولا لا..
بس والله مادري اهلي واللي حولي ما حد مؤيد ع المشروع لأنهم يقولوا احتمال تفتح روضات حكوميه
فما يصير إقبال ع الروضه الاهليه
وثانياًً المباني جداً الأسعار غاليه لقيت مبنى قيمته ١٢٠ الف هذ اليوم بس مادري هل اقدر اغطي تكاليف المبني والرواتب ومصاريف التشغيل وووو
مادري احس نفسي متحطمه مافي احد مؤيد هذا أصعب شي تواجهينه
انا عندي تقريبا 300000 الف مادري تغطي ولا لا
احتررررررت
شوووووروا علي انا كل ماحس مشيت خطوه اللي حولي يرجعوني ميه خطوه وراآ
تكفووووووون اللي عندها خبره ترد على
والله يكتبها لها في موازين حسناتها لا تخلووووووووني مالى بعد الله الا انتم
الله يسهل امرك يارب يااختي مو بس انتي حتى انا زوجي معارض مع ان اهلي موافقين لكن مو متشجعين انا اعتراض زوجي على المسؤوليه وخوفه من الخساره وانه قرض وقلت خبرتي لكن انا متشجعه واحس اني حابه وعندي قدرهعلى القياده وعندي افكار وان شاء الله ببدع وقبل كل شي استخرت واحس اني مرتاحه ومتوكله على رب العالمين و ان شاء الله بقنع زوجي واذا كان عن الخبره مستعده اصبر سنه سنتين ادرس فيهم دورات تاهلني واشتغل بروضات او مدارس اهليه اخذ خبر بس يقتنع وانا متوكله على الله اذا فيها لي خير بيسرها لي واذا هي رزقي بيوصلني
اما بنسبه لاهلك انتي تشوفين نفسك كفئ ولك القدره على تحمل الضغوط والخساره وتارجحات السوق اذا انتي تحسين نفسك قادره لازم تشاورين اللي حولك بعد من وجهت نضرهم هل انتي فيك المميزات اللي ان شاء الله تنجحين معاها اذا اوكي جلسي مع اهلك وتناقشي معاهم وسوي دراسه جدوى ودراسه للموقع واحتياج المنطقه اللي انتي فيها واما بالنسبه لروضات الحكوميه ابسط جواب احنا لسى مابداو على مل يدرسون الموضوع ويولفقون عليه ويبدا التنفيذ يبي لهم خمس ست سنوات انتي بهذي الفتره تكونين كونتي سمعه ومعضم الناس تفضل الروضات الاهليه عن الحكوميه لانهي تعلم انجليزي وحاسب وطبعا لازم تختارين منطقه مافيها روضات وفيها مدارس حكوميه علشان تجذبين الموظفات
اما بالنسبه للايجار بصراحه انا ماعندي خبره فيها وخصوصا تختلف من مدينه عن لاخرى وحتى من حي لاخر يختلف
انا بعد كلمت المسؤول عن النهج وارسل لي العرض عجبني مره لكن مسكلته مايدعم اللغه الانجليزيه ولا الحاسب يعني يبيلي منهج للانجليزيه وبصراحه ما ادري كيف احصله اذا احد يقدر يفيدني بمنهج انجليزي مع الكتب وحاسب اكون شاكره
والاهم والمهم انك تستخيرين وتتوكلين على الله وتستشيرين وتدرسين حاجه المنطقه وتزورين روضات او تشوفين لك وحده تسين لها استفتاء وتدور على الروضات و استفتاء ثاني لاولياء الامور والله يكون معاك ويوفقك  
ياهلا وغلا حبيبتي بالعز نبني الامم
الله يجزاك خير ع تفاعلك معي 
المشكله اني انابعد الله اسخرت واستشرت كذا شخص وحس اني كنت مرررره متحمسه 
بس مشكلتي اهلي اما زوجي لا تعليق 
لاني المبلغ بأخذه منهم فهم خائفين الخسارة 
لدرجه انهم احس حطموا آمالي وأحلامي 
انا من ناحيه متابعه الحمد لله سجلت في دوره الرواد وبأذن الله يستفيد 
وانا عندي شهادات كثيره عن نفسي ماني خائفه الا من ربح وخساره لاني لو أخسر مايحتاج اهلى بيقعدون يلموووون وانتي وانتي هذي اكثر نقطه متعبتني والله العظيم اني احس اني تعبانه نفسيا من هذا الموضوع 
اهلي يقولوا انتظري تعين الوزاره 
وانا لي اكثر من 9 سنين متخرجه ماخليت شهاده ولادوره ما خذيتها ولى الحين لاتعين ولاهم يحزنون 
الله يخليكم شوروا على اكمل ولا أهون من جد تعب نفسي لاصرت لوحدك ما حد يشاركك ولا يوقف معك
عزيزاتي ما ابغي احطمكم بعد القرار الجديد بزيادة رواتب
المعلمات الي ٥٦٠٠ مافي مجال للربح الا اذا كانت الرسوم
تسعه الالاف فما فوق وصراحه انا صار لي فاتحه للسنه
الثانيه المشروع والاطفال والاهالي كل شي رائع الا التعليم
مو بصفنا وكل شوي قرار جديد ما انصح ابد بالروضه وافكر
ادور مشروع ثاني


الساعة الآن 11:59 .