يسعد لي صباحكم ومساكم ياحلوين

الموضوع مثل ماهو واضح من العنوان
أنا حابة أبيع بلوفر صوف شتوي بناتي من رالف لورين لونه نيلي غامق ويلبس مقاس أربع سنوات

البلوفر جدييييد بالتاق وأصلي طبعا طالبته مباشره من الموقع الرسمي
يشهد علي رب العالمين ماأنلبس غير مره وحده للقياس فقط لاغير وهذا سبب البيع طلع مقاسه مب مناسب لبنتي
ورح أرجع أطلبه من جديد بس باخذ مقاس أكبر
البلوفر يجنن , صوفة دافي وناااااعم ولونه جمييييل وناقع , الزبده فعلا فعلا أعجبني بس قهر مره صغير على بنتي بالملي طالع عليها وحلات الشتوي راهي لذلك بأرجع أطلب ثاني وقلت حرام يجلس في الدولاب كذا!

عشان كذا رح أبيعه بقيمة التكلفه , ببيعه بنفس سعره في الموقع بدون ماأخذ من المشتريه قيمة الشحن من أمريكا للرياض ولا رح أخذ عمولة
فقط ببيعه عليها بنفس سعره + الظريبه وكانت 8 دولار

خل أوريكم الصور أول شئ










صورته من بعيد ومن قريب عشان تبين كل التفاصيل ويبين السعر معكم


وهذا رابط البلوفر في موقعهم الرسمي وزي ماهو واضح إن البلوفر عليه تخفيض الحين لإن هالفتره موسم تخفيضات
http://www.ralphlauren.com/product/i...entPage=family

وأنا رح أبيعه بسعر التخفيض

سعره 38 دولار + 8 دولار ظريبه = 46 دولار
وبالريال السعودي 180 ريال فقط لا غير ! يابلاش أرخص من بلوفرات زارا وجاكادي ومافيه مقارنه بين إسم وجودة رالف لورين وبينهم

خواتي فعلا اللي بتشتريه محظوظة جدا , الشتاء على الأبواب والبلوفر خامته لا يعلى عليها وأنا بأسلمه لها يد بيد بنفس سعره في الموقع من غير ماتخسر قيمة شحن أو عمولة تاجره
هدف البيع ليس مادي أبدااااا وأعتقد واضح ذا الشئ , ماحاولت أتربح من وراه ولا ريال بالعكس أنا خسرانه فيه قيمة الشحن وهي حوالي مية ريال
بس فكرت فيها ,قلت أنفع أخت مسلمة لي وأفك لها زنقه وبنفس الوقت أرتاح من تأنيب الضمير إنه جالس عندي في الدولاب كذا بدون سبب

الله يهني اللي بتشتريه وجعله ملبوس العافيييه مقدما يارب

التسليم في الرياض يد بيد
برى الرياض إذا أحد يبغاه بيصير الشحن عليه مع الشركه اللي يختارها

دعواتي للجميع بالتوفيق
14-12-1431 هـ, 08:22 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
شكرا للأدارة
14-12-1431 هـ, 03:10 مساءً
 
موفقه
14-12-1431 هـ, 03:11 مساءً
 
موفقه
14-12-1431 هـ, 03:26 مساءً
 
الله يوفقك
14-12-1431 هـ, 03:30 مساءً
 


الساعة الآن 02:13 .