اهلين بيكي
اولن : مو شرط تكوني ضايفتهم في ايميلك ممكن تاخدي ايميلات تلاقيها في
اي مكان لبنات وترسليلهم كدا هو البزنس في رائك من فين كل دي الاعلانات تجينا ع الايميلات
برغم انو ما ضايفينهم يعني معرف مين فين ياخدو الايميلات بس اشوفها ناجحـآآ !

تانيآ: في جريدة اعلانات تجي مجانا مع عكاظ ازن اسمها الوسيلة تقدري تسوي
اعلان للعبايات وتحطي رقمك طبعن ترفقي صوره للعبايات بشكل تصميم حلو من الفوتوشوب
وتستخدميها كااعلان لكي دي الجريدة كل شخص في الحجاز يقراءها من صغير لكبير
البنات يحبوها بعضهم يدور وضائف والتانيات يدور على مشاغل وعروضات
انا مسلن مهما تاحت في ايدي الجريدة ولقيت شي ادق عليهم مرة اشتريت كتالوجات من دي الجريده
وصاحبها مره اشتهر بالكتلوجات في جده خصوصآ كتالوج الاسواق الاوروبيه والصينيه
يعني ان شاء الله رح تستفيدي معرف كم اسعار الاعلانات بس على حسب مساحة اعلانك وازا كانت مع
صوره او لا

تالتآ : صوريها وحطيها في التوقيع حقك وكمان ممكن تسويلك بلوق *مدونة* وتسيري تعرضي يلي عندك
او موقع خاص لكي ازا ماتعرفي للمواقع وفي العاده يلي مايعرفلها تكون صعبه عندو شويا
الافضل تسويلك مدونة وتعرضي الصور حق العبايات بشكل حلوو وتجـدب النساء
وحطي الاسعار اهم شي لاتنسيها انا متلن ازا شوفت شي عجبني ومافي سعر عليه
ما حسال خصوصآ ازا كانت في موقع او مدونه ! بس ازا في مونتدى ممكن اسال
عشان في فرق شويآ !

رآبعآ : ممكن صحباتك يسوولك اعلان بين صحباتهم او جيرانهم يعني يحكو عنك
ازا في بنات في الجامعه ومعاهد وزي كدا رح يفيدوكي في شغلة الاعلان

وموفقه يارب
15-12-1431 هـ, 09:51 مساءً
 
بالتوفيق.
15-12-1431 هـ, 09:52 مساءً
 
انا مستعده اساعدك

وبدون مقابل

بسويلك دعايه
15-12-1431 هـ, 09:58 مساءً
 
ياحبي لكم بنات افكارك حلوه ياجيناس حمستيني من جد ربي يسعدك ويوفقك
انا صورتهم بس ماعرف للفتو شوب انتي بنت ماما تعرفي

طيب بنات كيف اسوي مدونه بالنت
15-12-1431 هـ, 10:20 مساءً
 
انا بسويلك مدونة على البلوجر ولا يهمك يا قمر ابعتيلي ايميلك على الجميل ودقايق تكون عندك حبيبتي
15-12-1431 هـ, 10:41 مساءً
 


الساعة الآن 05:46 .