<A href="http://forums.*******.com/thread230819" rel=nofollow target=_blank>
المقادير
توم مفروم
بصلة صغيرة مفرومة
جزر مبشور
طماطم مكعبات
فلفل رومى او حار مكعبات
نص ليمونة
ملح وفلفل اسود وشوية بهارات وشوية شطة
معلقة صغيرة زيت زيتون
وطبعااااااااااااا الجمبرى مغسول ومتنظف بس بقشرة
الطريقه
1\والطريقة سهلة وبسيطة وهى انك تلخبطى كل المكونااااااااااات دى مع بعض
فى الحلة اللى هتعملى فيها وتسيبيهم يتبلوا مع بعض شوية
2\تحطيهم على النار شوية هتلاقى الجمبرى نزل ميتة تروحى انتى ضايفة
شوية مية وانا عن نفسى بحب الشوربة بتاعتة فبكتر المية شوية
3\وياخد غلوتين بس وتطفى علية وتقدمية فى الاطباق على طووووووووووول
وبالهنااااااااااااااا والشفا
نيجى بقى للرز ومقاديرة رز حسب الرغبة طبعا مغسول ومنقوع ومصفى
بصلة مبشورة وجزر مبشور وطماطماية صغيرة مقطعة مكعبات وفلفل رومى
مقطع شرائح او مكعبات ويكونوا شوية صغيرين
اما الطريقة فتصفرى البصلة فى شوية زيت وبعدين تحطى عليها الطماطموالجزر
والفلفل وتشوحيهم وبعدين الرز وتشوحية معاهم وبعدين تحطى المية والملح عادى
واول ما يغلى وطى علية ويبقى على نار هادية ويتقلب مرة واحدة بعد ما يتشرب المية
علشان ميعجنش وبس كدة شوفتوا سهل ازاى ودى الصورة النهائية اية رايكوا بقى
