كان هذا العيد اول عيد بدون الغالي وكمل اليوم 19_12شهرين الله يرحمه ويغفر له وانا بين ذكرياتي ودموعي تذكرت اكلة المفضله أيدام لحم مع كبده سويتها يوم العيد لاني متعوده من 10سنين اسويها كل عيد له وسويتها له لكن للاسف ماكان موجود

نصيحه كل وحده عندها كبير في العمر أب أو ام أو حتي أبوي زوجك او أمه سويتها يموتون فيها عشان فيها مرق ثقيل وحاولوا تصفوا المرقه في زبديه حديد واعطوهم عشان يحسوا بهتمامكم
نبداء في المقادير

لحم مقطع مع كبده وكرش وخساره ماصورت اللحم



2بصل مقطع شرايح 2مفروم



نحط اللحم في قدر الضغظ ونقلبه شوي لما يتغير لونه احط فلفل بس عشان طعم اللحم مايتغير



وبعد 5دقايق أضغطه ربع ساعه او حتي تنشف المويه ثم أحط البصل واقلبه حتي يذبل وبعدها طماطم مفرومه مع 2م صلصة طماطم وحركها وبعدين أضغطها حتي تنضج لأبوي الله يرحمه كنت أقدمها مع خبزه جنوبيه بس هالحين مع خبز وضروري ببسي



أعذروني الأيدام سويته في بيت مزرعتنا وشكل المكان مبهذل لاننا ماوصلنا لها الأ الساعه 7




الله يرحمه يااااااااارب
تسلم الايادي
الله يغفر لوالدك ولموتى المسلمين
ويصبر قلبك يااااااارب
ماشاء الله تبارك الله ..
شكلها رووعه ويفتح النفس ..
الله يعطيك العافيه يارب ويغفر لموتانا وموتاكم وموتى المسلمين..
لااله الانت سبحانك اني كنت من الظالمين
استغفر الله
استغفر الله
استغفر الله
سلمت يداك
والله يرحم والدك ويسكنه فسيح جناته


الساعة الآن 08:03 .