شوفي يا قلبي ، انا عندي ماسترد الذهبي و فيزا الذهبي من بنك الرياض و طبعا هما اول بنك طلعو للبطائق الائتمان و مو لازم يكون عند زوجك حساب في بنك الرياض المهم الدخل الشهري ما يقل عن 3000 ريال ،، و شروطهم للرجال ،، بطاقة الاحوال المدنية ، خطاب من العمل و مصدق من الغرفة التجارية اذا كان موظف و اذا تاجر يرفق بس السجل التجاري ،،
انا الحمدلله ما جاءت علي ديون من البنك لاني ادفع اول بأول ،، يعني ما اخر البنك عن التسديد و يأخذو علي غرامات ،، بالنسبة كل بنك و عروضه تختلف زي بنك الرياض اول سنة ببلاش ما عليها رسوم يصدروها لك مجانا و ما يأخذو فوائد بعد كده كل سنة لهم رسوم بالنسبة للذهبية 250 ريال و الفضية 150 و العادية و الله ما ادري ، انا عندي الحد الائتماني 20000 ريال ، للذهبي ،، و هو على حسب الحد الائتماني يحددو لك الفئة ،، و هي حلوة لو انتي كثيرة السفر او تشتري من النت ،، انا عن نفسي اشتري تذاكر السفر و اسدد عن طريق النت و كمان لو سافرت اشيلهم معايا للضرورة القصوى و كمان لو حجزت فنادق عن طريق النت ،، و لما ارجع السعودية احطها فالبيت و ما استخدمها الا للضروة و انتبهي لو انسرق منك و عندك رصيد ممكن اللي سرق البطاقة يسحب رصيدك كله و البنك مو مسؤول و راح يطالبو صاحب البطاقة بالمبلغ يعني لو حدك الائتماني 20000 و في حسابك 5000 يعني اللي سرق البطاقة يسحب 5000 و العشرين الف ، و البنك راح يطالبك بالعشرين فاهمة علي ،، الخوف من ناحية السرقة و كل ما قللتي الحد الائتماني يكون افضل ،، و اذا حابة تعرفي اكثر ادخلي موقع بنك الرياض و شوفي عروض بطاقات الائتمان
والله انها دمار ماتخلي في الراتب بركه
ونعتمد عليها في كل شي بس يوم سمعت انها حرام او فيها جدل قلت مالنا فيها خلنا نسدد لهم ونلغيها والله يقدرنا يارب
golden eye :مشكوره يالغلا على الوصف الكافي كفيتي ووفيتي بس ماقلتيلي افضل بنك الرياض ولا الاهلي لاان الى اليوم واحنا مصرين نطلعها الا بعض المخاوف ^____^ لكن باذن الله راح نطلعها بآذن الله وتصير للحاجه او السفر مثل ماقلتي
تالالولي:والله مشكله احيان اخاف ان الواحد بيحتد لها كل شويه فاراح نسحب ويصير هو الراتب مقدمآ والراتب هو الدين الي علينا نسدده بنفس الوقت قالوا هنا مو حرام لاان مثل الدين والله يعين يارب ويسهل الامور
اللهم ياحي ياقيوم وياذا الجلال والاكرام ترزقني الخير كله حيث كان واصلح لي ذريتي وسخر لي زوجي اللهم امين
[quote=&غزال الريم&;54967787]golden eye :مشكوره يالغلا على الوصف الكافي كفيتي ووفيتي بس ماقلتيلي افضل بنك الرياض ولا الاهلي لاان الى اليوم واحنا مصرين نطلعها الا بعض المخاوف ^____^ لكن باذن الله راح نطلعها بآذن الله وتصير للحاجه او السفر مثل ماقلتي

شوفي يا قلبي انا ما عندي الا بطاقات الائتمان من بنك الرياض ماستر و فيزا الذهبية و عارفه عروضهم ، بس ما اعرف عن البنوك الباقية عشان كده ما اقدر افيدك ،، صاحب زوجي حاول كثير يصدر له بطاقة ائتمان فيزا من بنك الفرنسي و رفعو طلب و رجعو رفضوه مع انه اوراقه كاملة و راتبه حلو بس لما قدم في بنك الرياض على طول قبلو الطلب احسهم متساهلين اكثر و بالنسبة للبنوك الباقية ان شاء الله البنات يفيدونك و زي ما قلت لك خليها للضرورة القصوى و حافظي عليها في مكان امين لانه عن طريق النت ما تسخدمي الرقم السري فممكن تنسرق البطاقة و تستخدم من اشخاص ثانين بكل سهولة
golden eye : تسلمين يالغاليه لاان زوجي راح للفرنسي وعطوه الاستبيان للفيزا بس يوم قريت كثير هنا نصحو على الاهلي والراجحي والرياض قالوا افضل ويوم قلت لزوجي قال لازم اسوي حساب
وصدقتي هي ماراح تكون الا للحاجات القصوى والضروريه
انتي بايش استخدمتيها في مره استحدمتيها بسفر او حجوزات او شراء الاغراض المهمه؟وايش العروض حقت الفيزا ماعليك امر
واعرف كثرت عليك اسئله
اللهم ياحي ياقيوم وياذا الجلال والاكرام ترزقني الخير كله حيث كان واصلح لي ذريتي وسخر لي زوجي اللهم امين


الساعة الآن 05:37 .