يابنات ساعدوني ابي مشورت اهل الخبره الله يسعدكم

ابي افتح مشغل وافكر اجيب عماله سوريه هل تنصحوني فيهم


وكمان بسال اول اطلع الفيز وبعدين اسافر ولا قبل الفيز ماتطلع اروح واشوف العاملات اضمن واشوف اللي تناسبني وبعدين ارسل لهم الفيز

طيب وكم المده اللي تطلع فيها الفيز انا بالرياض

وبالنسبه لسكن العاملات هل ممكن اسكنهم جوات المشغل انا اشوف كذا مشغل العاملات ساكنين بالمشغل

واذا لقيت عامله تبي محرمها معها هل اكون مسؤله عن السكن والمواصلات ولا اتكلف بلمواصلات بس
21-12-1431 هـ, 02:02 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
رفع لعيونك ماعرف
21-12-1431 هـ, 03:59 صباحاً
 
هلا حبيبتي

السوريات شغلهم حلو بالتساريح والشعر ...بس عاد في بعضهم شوفة النفس والحس الفلسفي <<اكيد مو الكل

بالنسبة للوقت ما ادري (اتمنى احد يفيدنا بهالنقطة),,واتوقع كمان تطلعي تشوفينهم واذا ناسبوكي ترسلي لهم التأشيرة

وهم يحجزون ويجوا ..

بالنسبة للسكن ..

ممنوع السكن داخل المشغل نهائيا ..الا اذا تقصدي بنفس الشقة مثلا بس يكون لهم مدخل خاص ومنعزل تماما عن المشغل

اتمنى اكون افدتك
21-12-1431 هـ, 06:09 صباحاً
 
يعطيكم العافيه بس كم الوقت اللي ممكن ياخذه استخراج فيز الكوفيرات
22-12-1431 هـ, 08:16 صباحاً
 
السكن داخل المشغل ممنوع والبلديه يغرمونك
الفيزا ماتتعدى شهر
السوريه شغلها قروووي طلعي فيز على تونس او لبنان احسن لك
طلعي الفيزا اول لان مكتب العمل ممكن بلا سابق انذار تراجعينهم تستلمين الفيز يقول لك وقفوا الاستقدام
فلاتتخسرين الا لما تضمنين الفيز
اللي معها زوجها تدفعين نصف قيمة السكن والمواصلات اكيد عليك
22-12-1431 هـ, 09:11 مساءً
 


الساعة الآن 06:16 .