السلام عليكم

بنات انا باذن الله ودي ادخل سوق الاسهم بس وربي مو فاهمة فيه شي...

عندي وقت فراغ كبير ومبلغ ودي استثمره

سمعت عن برامج تعطي توصيات

بس للاسف مافهمت شلون ابدا؟؟

اللي هامورة وخبيرة بالسوق تساعدني وتبشر بالدعاء بظهر الغيب

ولكم كل الشكر والتقديـــــر

اللهم اغـــفر لأمـــي وارحمها واجعلها سيدة من سيدات الجنة


اللهم صل على محمد وعلى ال محمد صلاة دائمة ماتعاقب الليل والنهار
تبي نصيحة من اخت لاختها ابعدي عن الاسهم اقسم بالله ما فيها خير ولابركة وناس كثير متعلقين فيها ونفسهم يعوضون خسارتهم وترجع فلوسهم وانا اولهم يارب يرجع السوق زي اول قسم بالله ابيعها براس مالهاما ابغى شيى غير راس مالي الا كل ماله تحت في الحضيض يارب لك الحمد والشكر
وانتي حرة حاولي تستمرين في عقار في اي شي غير الاسهم
الله يوفقك يااختي قبل لا تدخلين السوق لا بد ان تعلمي ان الاسهم كتجارة معرضة للخسائر والربح
حطي في بالك انك خسرانة عشان ماتفاجئين ولكن حطي الامل انك راح تربحين
اذا تبغين تعلمين انصحك بدورة مبسطة للأسهم لارزاق مقسومة مثبتة بالقسم واقرأي ردود البنات راح يفيدك
بعد ما تعلمين انصحك بتداول افتراضي وهمي راح يفيدك من جميع النواحي

ولاتنسين الدعاء بان يوفقك الله
وانصحك تزورين موقع شبكة تداول الاقتصادية وادخلي الاسهم السعودية واي سؤال انا حاضرة اللي اقدر عليه
.............................. .........................
انصحك ابعدي عنها لانها قلق واكل لاموال الناس وماحد شاف منها خير غير الخساره وزيها زي القمار بس هذي محلله وجايه بطريقه ثانيه
:::::::::::::::::::::::::::::: :::::::::::::::::::::::::::::: ::::::::::::::::::


الساعة الآن 03:51 .