شغل البيت سريع ومريح بإذن الله :)

السلام عليكم ورحمة الله وبركاته

حياكم الله حوائيات : ) إني أحبكم في الله

كلنا ندري ان شغل البيت متعب وممل وما يخلص .. وودنا لو بكبسة زر نخلص الشغل ونرتااح من الهم .. تفضلو هذي بعض النقاط اللي ممكن تساعدنا وتخلي شغل البيت لنا سريع ومريح بإذن الله ..

1- طريقه مجربه وأكيده ، والكل يعرفها وهي التسبيح والتهليل قبل النوم.. سبحان الله والحمد لله ولا اله الا الله والله اكبر ولا حول ولا قوة الا بالله .. تقولينها 33 مره ، وبإذن الله يوم ثاني بتشتغلين في البيت ولا بتحسين بنفسج الا وانتي مخلصه وكل امورج تمام ^^

2- كتبي الاشيا اللي عليج تسوينها في اليوم الثاني من الليل ، في ورقه وفي اليوم الثاني كل ما تخلصين من شغله شطبي عليها ، عشان تحسين انج انجزتي وخلصتي شغل من الاشغال اللي عليج

3- في غرفة النوم ، اول ما تصحين من النوم وتقومين من السرير ، على طول بدون ما تروحين يمين ولا يسار رتبي السرير ..
وحاولي بشكل عام اي شي تاخذينه ترجعينه في مكانه مرتب ونفس ماكان ، وبالنسبه للاغراض الشخصيه اللي تكون بأدراج التواليت مثلا ، فأفضل طريقه اشوفها هي ترتيبها في صناديق او حاويات مربعه ، وممكن تستفيدين من علب او صناديق كنتي بترمينها ، مجرد انج تدبسينها عشان ما تتفكك

مثلا .. علبة كلينكس
http://forum.hawaaworld.com/showthread.php?t=2694563




كرتون مكينة حلاقة





مثال آخر
http://forum.hawaaworld.com/showthread.php?t=2694261




العلب هذي مفيده وتخلي الاغراض منظمه جدا :) حتى لو ماكانت اغراضج مصنفه فيها ، لكن تقلل الفوضى ..

4- بالنسبه لتنظيف الحمام، بدل ما تسكبين الماء والصابون في الحمام وتفركين وتشطفين بالماء ومطهر وقصه طويله وعريضه وألم ظهر ...
جربي هالطريقه
نظفي الحمام بمنشفه مبلله بمطهر .. فقط للبانيو والمغسله والمرحاض تكرمون، فبالصابون وبعده مطهر
لكن الحنفيات وارضية الحمام وباقي الاغراض، فقط تمسحينها بمنشفه مبلله بمعقم . . وحاسبي لا تخلطين المطهرات ولا تسوين خلطات ..

حاولي تعودين نفسج وتعودين اللي بيتخدمون معاج الحمام (اذا كان مشترك بين اكثر من شخصين مثلا) ان الادوات الشخصية ، مثلا فراشي اسنان معاجين صابون .. يكون لكل شخص شنطه صغيره يدخلها يخلي فيها اغراضه وياخذها معاه غرفته ، وبهالطريقه بتوفرين الوقت والجهد وبتنظفين الحمام بسهوله ، ولا في حاجه انج تشيلين اغراض وترجعينها بعدين مكانها او ترتبينها ، وبترتاحين

وبالنسبه لصابون الاستحمام ، معلومه : الصابون العادي او ( غير السائل) هو اللي يترك ترسبات في البانيو ، ويصير اسود مع الوقت وتنظيفه متعب ، اما الصابون السائل مايترك اثر، ويصير تنظيف البانيو سهل وسريع .. مجرد مسح بفوطه مبلله بمطهر .

اما ارضية الحمام ، او الارض بشكل عام ( الغرف او المطبخ او الصاله، السلالم .. الخ) استخدمي الشطافة ،لفي فوطه مبلله بمطهر وامسحي الارض بها



طبعا الشطافه اللي عصاتها طويله ..

، وكل ما تمتلي الفوطة وسخ تغسلينها بالمغسله وترجعين تغطسينها في مطهر ،،



ويكون افضل لو تكنسين الارض بمكنسه كهربائية قبل.. عشان الشعر والغبار يروح في المكنسه ، ويسهل عليج الشغل بإذن الله .

بعد في نقطه كنت بنساها ، بعد الاستحمام خلي المروحه شغاله بالحمام عشان ينشف الماء، ومايترك مكانه عفن ..

5- بالنسبه للصاله عودي نفسج والعيال ان محد يترك شي من اغراضه بالصاله ، يعني هي صحيح مكان تجمعنا لكن مانبي تركه معفوس ومكب للأغراض :)

وعلى طاري العيال، عوديهم ينامون بدري ، عشان ما تقومين الصبح وتلقين صحون ومواعين وشغل متراكم من امس

5- وعلى طاري المطبخ بعد ما تستخدمين اي ملعقه اي كوب على طووول غسليه لا تروحين يمين ولا يسار ^^

6- مراوح السقف ، عشان تنظفينها عن الغبال ، مجرد امسحيها بفوطه مبلوله شوي.

7- تنظيف السجاد، من رأيي الشخصي ماشوف داعي لغسل السجاد بالماء والصابون وووو وفي النهاية كسر الظهر وتعب ...
تكتفين بكنسها بالمكنسه الكهربائية وممكن تعرضينها للشمس عشان التعقيم ، وعلى فكره اذا كانت المكنسه نظيفه راح تكنس اقوى وافضل ..

6- حرق البخور بالفحم هو سبب تراكم السواد والرماد على المراوح والسجاد وغيره وغيره وخصوصا الرئة .. حاولي تستغنين عن الفحم بالفواحه العطريه ، تحطين بدل العطر بخور. او تستخدمين المبخرة الكهربائية، طبعا اختاري نوعيه جيده ولا تنسينها تشتغل وتروحين عنها .. بعدين اذا صار شي لا قدر الله تقولين السبب من ام احمدي :p

7- اذا كان في بقعه وتبين تنظفينها ، مايحتاج تفركينها بكل قوتج ، يمكن تقدرين تزيلينها براحه بدون قوه,,, القصد لا تعودين يدج على الشده في تنظيف كل شي ، بس اللي يحتاج. مانبيج تتعبين يالغاليه :)


هذا اللي عندي حاليا وان شا ءالله برجع لكم بأفكار وطرق سريعه وسهله لشغل البيت :27:

قواكم الله خواتي ^^