السلام عليكم ورحمة الله وبركاته...

كيفكم ياتبنوتات ياحلوات >>> لازم ندلع أنفسنا

المهم اليوم جايبة لكم أكلة سهلة ولذيذة بالمرة مدري هو شيش طاووق ولاّ يشبه له خخخخخخخخخخ
هذي الأكلة عيالي يحبونها ويطلبونها دايم ... المهم مالكم بالطويلة...

المقادير: ياقلب العنا .....
1- صدور دجاج .... أنا أستعملت صدور دجاج رضوى,,
2- علبة لبن زبادي الصغيرة..
3- ملعقتين أو ثلاث ملاعق طعام جبنة سايلة كرافت وتكون مليانة
4- عصير ليمونة واحدة
5- فصين ثوم مهروس
6- ملح وفلفل أسود وكمون

الطريقة : يامال العافية..

نقطع صدور الدجاج لمكعبات صغيرة بس مو مرة صغيرة .. ونجيب زبدية ولاّ طاسة ونخلط فيها الزبادي والجبنة السائلة والليمون والثوم والملح والفلفل الأسود والكمون ونحركة مع بعض زين الى أن يتجانس مع بعض ثم تجبين مكعبات صدور الدجاج وتنقعينها في الخليط السابق أقل شيء مدة ساعة وكل ماطولت المدة طلع ألذ وألين ..
ثم تجبين الأعواد الخشبية حقت الشيش الطاووق وتصفين المكعبات بالعود الخشبي كل خمسة قطع مع بعض وهكذا إلى ان ينتهي المقدار ثم تغمسينها في بقسماط ( فتات الخبز) وتحطينها لمدة عشر دقائق أو أكثر في الفريزر علشان يتماسك البقسماط بالدجاج..
ثم تقلينها في زيت حارإلى ان يشقر لونه ويستوي ويقلب الى الجهة الثانية وهكذا...

وخلاااااااااااااااااااااااااااااااااااااااااص قضت الطبخة وسلامتكم خخخخخخخخ

يقدم مع البطاطس المقلية.. وبالعافية عليكم

على فكرة هذي الطبخة غدانا اليوم يم يم يم يم يم


فمان الله
04-01-1426 هـ, 06:20 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
تسلم الأيادي
04-01-1426 هـ, 07:58 مساءً
 
25 دخلوا ولاأحد عبرني وجبر بخاطري

الاّ انتي يامصبوبه الله يعافيك ويجبر خاطرك ياقمر على الرد..... :24:

ولاتنسين تجربينها وتبشريني لعجبتك.. تراها لذيذة بالمرة

04-01-1426 هـ, 09:45 مساءً
 
تسلم ايدح ى يا عسل
05-01-1426 هـ, 02:05 مساءً
 
يعطيج العافيه اختي عيووون قتالة على الأكله الطيبه..
05-01-1426 هـ, 11:30 مساءً
 


الساعة الآن 06:25 .