شنو الاشياء الي تستحين تسوينها قدام زوجك !!
لاتقولون الموضوع مكرر لانو مو هذا موضوعي اصلا ,,
انا دخلت موضوع بهالاسم وشفت اشياء كثيره وعجيبه ماراح اقولها لانها ماتهمني ,,
بس لفت نظري شي الاغلب يسويه مع اني اشوفه غلط :hmh:
.
بنات كثير يقلون نستحي نشتغل بالبيت قدام ازواجنا ويشوفنا مبهذلين مانشتغل الا لما يطلع ,,
طيب معليش انا بتكلم بصراحه اكثر ,,
معقوله حياتك مع زوجك طول هالسنين ماشافك مبهذله لو شوي وحوسه يعني بدون مكياج !!
اكيد مر عليك هاليوم ..وهالشي لاهو عيب ولا حرام اصلا من فاضي يتظبط عالاخر كل يوم ولو تظبطتي مو دايم الظروف تسمحلك,,اهم شي نظيفه
يعني وش بيضرك لو شافك بهاليوم تشتغلين وحس بتعبك وتعاطف معك حتى لو ماقلتي له هو بنفسه بيحس,,
انا ماقول كذا ابيكم تتبهذلون لا بس اكتشفت شي لاني كنت مثلكم اسوي مااشتغل الا اذا طلع واذا جاء اكون خلصت البيت وجالسه عالنت او التلفزيون
على اساس اني حرمه سنعه وخلصت البيت قبل يجي زوجي
بس شو استفدت !!
صار زوجي المملوح يحسبني مااشتغل ولاانظف الا شوي ولايدري انو ينكسر ظهري من الشغل ,,
يصير يطلب مني شي واذا قلت معليه حبيبي تعبانه يقول ليه وش سويتي!! من الصبح وانتي ياعالنت ياتلفزيون :icon36:
.
اللحين من طلعت وانا اكرف واذا جيت تقول ماسويتي شي ,
يحسب البيت مايتوصخ الا شوي وانو مايطلع ريحه ولا غبار وانو المواعين بسرعه تنظف
لانو مطبخي دايم نظيف واذا شاف كاسه قام عصب ماتعرفين تسوين شي وماتعرفين تديرين بيت اذا كاس ماغسلتيه شلون بكره اذا جو عيالك
وصار دايم يبي البيت نظيف ولو ظروفي ماسمحتلي وتعبانه مايقدر والله طبعا هالاشياء صارت بأيام متفرقه بس لانها جت بخاطري مانسيتها
مع انه يحبني ويحن علي بس يحس هالشي سهل دقايق وانتي مخلصه على قولته :mad2:
وربي ياني انقهرت بشكل قلت بلا برستيج بلا هم واذا شافني! وحده تنظف والله لو اني مسويه شي حرام
.
.
غيرت روتيني خليت الوناسه اذا طلع اخذ راحتي عالتلفزيون والنت والتلفوون افلهاا
واذا قربت رجعته اشتغل بالبيت (طبعا ماعاد الغدا لازم في موعده لاتقولون وهقتنا :biggrin: ) والاشياء الي تبيلها عربجه وماتنفع قدام الزوج اسويها بغيابه ,,
البس لبس مريح ومرتب وارفع شعري بشكل حلو واشتغل بالبيت اغسل واكنس لو اشياء خفيفه بس لازم يشوفني
طبعا الحمام اغسله والباب مسكر مستحيل اخليه يشوفني مدري ليه بس يدري اني اغسله اهم شي,,
وربي اول يقولي ليه حمامك وصخ!! وربي غاسلته بس لونه ابيض والجزمه على طول تطبع وش ذنبي ,,بس بعد ماشافني صار يقول يعطيك العافيه ويرحمني وسكت ماعاد ينقد :39:
والله بتشوفون اشياء كثير تتغير بحياتكم ,,
اصلا انتي تستفيدين .. اول شي يحس فيك وبتعبك بالبيت ولو جا يوم وانكر بلسانه اتحدى ينكر بينه وبين نفسه
يصير يقدر تعبك ويحس انو لك اهميتك بالبيت ولو يوم تعبتي يدري انك تعبانه من جد
انا ادا جا ببالي يطلعني ,,قمت اشتغل قدامه واسوي نفسي اتعب,, واول ماخلص اروحله اقول ياربي تعبت ياعمري ودي اطلع اغير جو مليت يرحمني ويطلعني :biggrin:
وحتى بعد لما تنشغلين شوي عن الزوج,,يشتاقلك ويفقدك يصير يدورك مايحس انك نشبه 24 ساعه لاصقه فيه,,
خلصي شغل ورحي تقهوي معه وانتي ساكته وتشوفين شلون مشتاقلك ويدور سوالف وقتها اذا زوجك حبوب اطلبي الي تبين اذا مو حبوب ماله داعي تفشلين نفسك :biggrin:
طبعا لازم اخليه يشوفني واناادلع نفسي ,,اكل شي احبه ولااجلس عالتلفزيون او احط خلطات على وجهي
لازم اوصله انو انا انسانه لي حق اعيش واوسع صدري مو حياتي كلها انت وشغل البيت ,,لي ساعتين او اكثر خاصه براحتي ,,
وحده من صديقاتي ملكعه توها متزوجه تقول قبل يطلع زوجي اكب اي شي الورد المجفف ولا لبن عالسراميك
عشان اذا جا يدري اني سنعه ونظفته وهي تقول اصلا ماسويت شي من راح الا اني مسحت السراميك خخخ
""ملاحظات""’
1_اذا زوجك يطول ماتشوفينه وعمله طويل لاتسوينها لانه اكيد جاي مشتاقلك ويبي راحه وهدوء,,
هذي تنفع للي ازاجهم اغلب وقته بالبيت او ينتقدون كثير,
2_لاتكرفين عمرك كثير عشان مايكرفك اكثر اهم شي اشتغلي قدامه حتى يشوف تعبك واشتغلي على قدك
الي ماتقدرين عليه اجليه بكره
3_ اذا شغلك كثير مره سوي نصه وكملي الباقي اذا جا عشان يبقالك وقت تجلسين معه ,
4_ الاشياء الي يبيلها دف وشيل وحط حاولي تخلينه يسويها لانك انثى ماتتحملين <<ياااي :27: حتى لو قادره تسوينها
وترى السناعه الزايده ماتنفع لانو مو كل الرجال يستاهلون ويقدرون :biggrin:
ادري موضووعي طويل بس انا كتبته عشان تسون الشي وانتو مقتنعين مو تسونه وبس
والي عندها اعتراض او اقتراح عادي تقول
وووووه ياني تعبت وانا اكتب :icon810: