السلام عليكم خواتي الغااااليات

بدون مقدمات ولأني مو شاطره بالمقدمات

اختكم جايتكم طالبه الفزعه ..انا مبتدئه جديده في عالم الطبخ وودي اوري زوجي ابداعاتي وامكانياتي << اجل بلاك جايه لنا << خجلانه والله

طلبتكم انا ما اعرف اطبخ <<< يابنت فشله اسكتي ..

ابغى اتعلم منكم ..اساسيات وطبخات بسيطه تنقدوني هنا بكم طبخه للغدا وللعشا كم يوم ..تراني اتوهق واتلعثم وبالنهايه المطعم هو الحل تهئئ تهئ تهئ ..
واذا في دوره تعلمنا او رابط في طبخات متنوعه لاتحرموني

جربت معجنات وماضبطت
جربت كيكه وفشلت
شيزكيك مره صاب ومره خاب
حتى الرز حتى المكرونه الملح والبهار ما اقدر اتحكم فيه
عندي دجاج مفروم ما اعرف اسوي فيه الا كباب دجاج ملينا منه

والله خجلانه بس انتوا خواتي اللي استفجت منكم قبل لا انضم لكم ..سجلت من شان اتعلم منكم وتلعموني
واذا صرت اعرف اوعدكم بالصور والطبخات السنعه اللي تبرد القلب << وعد

تخيلوا ما اعرف اطبخ زين ومشتهيه عصيده من وين اجيبها الأن
<< محطمه ..ساعدوني جزاكم الله خير


عادي ياقلبي الطبخ ع شوي شوي وان شاء الله تتعلمين
اهم شي ماتقولين ماعرف اطبخ
كل يوم سوي حاجه وابدعي فيها اذا نجحت قولي المره الجايه بسويها احسن من كذا واذا فشلت قولي ميخالف بسويها المره الجايه وبتنجح
اجل احنا وشلون تعلمنا مرا ملح زايد ومره مافيه ملح خير شر خخخخخ

هذا الطبخ

وبالنسبه للدجاج المفروم قطعي له بصل وثوم واحمسيه بعدين اضيفي الدجاج
وحطي مكعب ماجي وبهارات مشكله واهم شي الفلفل الاسود المطحون
وابشري جزر عليه واضيفيه لها وفلفل بارد اخضر قطعيه مكعبات واضيفيه
وبتصير حمستك للدجاج لذيذه مرا
عاد انت ع حسب رغبتك وش تبغينها له مكرونه بالباشميل او ساندوتشات اللي تبين

واي خدمه انا حاضره
< اللهم هب لنا من أزواجنا وذريتنا قرة أعين واجعلنا للمتقين إيماماً >
<اللهم اجعلني مقيم الصلاة ومن ذريتي >

جعل النار ماتمسك .. وجعل الله يوفقك اي والله صدقتي
اييي على سالفة الملح سوالف وحكايات
استفدت من طريقة طبختك واليوم بجرب اسوي

مشكوره ياختي جعل ربي يجزيك كل خير ويوفقك ويوفق كلمن تدخل تساعدني


جعل ربي يغفر لك ..
اشتر ـــــــــــــــ ـــــــــــــــ ـــــــــــــــ ـــــ ي كتاب ام عبد العزيز



صراــ ـــــــــــــــ ـــــحه شي

هلا حبوبه ولا يضيق صدرك والله يوم اتزوج ما عرف كوعي من بوعي

وما شاء الله والله مو مدحن في نفسي بس الكثيرين يثنون على طبخي

بس ماجاء هذا الشي بيوم وليله لا والله تعبت على نفسي بلحيل

وانا الاحض ان عندك الرغبه وهذا الي بيوصلك ان شاء الله للي تبين

ارجعي يلغلأ لمواضيعي ان شاء الله تستفيدين من وصفاتي

لنهم بصور وانا حابه تشوفين الطريقه مصوره عشان يكون اسهل عليك

ويارب عن قريب ان شوف وصفاتك بلمنتداء


الساعة الآن 08:53 .