انا غداي كبا ب لحم و تبولة و رز ابيض مع شوربة الذرة ولبن بالنعناع
06-01-1426 هـ, 06:36 صباحاً
 
حبيبتي جربي الرز اللي منزلته امس سويته بس بدل ماوضعت الرز علي الخلطه
وضعت الخلطه علي الرز وش طلع روعه والله عجب العيال قبل ابوهم ..................... مسويه دعايه
اليدام مسويه فصوليا بيضاء
ومسويه معكرونه سباغتي مع الصلصه تبعها
ومالسلطه خضراء المعرفه
بس اليوم
؟؟؟؟؟؟؟؟؟؟؟الحيره المعتاده
06-01-1426 هـ, 09:19 صباحاً
 
الله يعينك يا مجروحه فعلا مشكله ( شنو تبون غدا ؟ ) وكل واحد من العيال يتهرب من الرد

يقولون اي شيء واذا سوينا اي شيء لازم واحد يزعل

قمت الحين ما اسألهم وما اسوي على الغداء اكلات غريبه وخذي عندك غدانا كل يوم:-

اطباق الدجاج :-

مجبوس - برياني - مرق - صدور بالبقسماط - دجاج في قاعته - شيش طاووق

اطباق اللحم :-

مجبوس - برياني - مرق - لحم في قاعته - مكرونه باللحم المفروم - مكرونه بالبشاميل

محروق صبعه - قبوط

اطباق السمك والربيان :-

مطبق - سمك مقلي ورز ابيض - مربين - ربيان بالبقسماط - ارز مشخول بسمك التونه

اطباق نباتيه :-

معدس - مموش -ارز مشخول بالخضار - شوربه عدس - شوربه ذره -ورق عنب

اطباق سريعه :-

همبورجر + بطاط شبس


السلطه عاديه سلطه خضراء مع خبز محمص



يوعتينا يا مجروحه :21
:
06-01-1426 هـ, 10:56 صباحاً
 
اشكر جميع الاخوات على تفاعلهم ( ترى امس كتبت تعليق لكل وحده باسمها وجلست ساعه لين خلصت ويوم قلت ارسال قفل معي الموقع ابووووووووووك يالقهر ليتي سويت نسخ ع الاقل)

عموما انا حابه اسأل عن الدجاج بقاعته وش يكون واللحم بقاعته هو مثله؟؟

بعدين ياليت ياختي زهرة النوير تعلميييني وش تسوووي بالسمك المقلي من تطلعينه من الثلاجه لحد ما تاكلينه لاني احبه مقلي وعجزت اضبطه..

وتقبلوا تحيااااتي ...

ملاحظه :: وين الباقين ؟ وش السالفه محد يسوي غداء؟؟؟
07-01-1426 هـ, 04:35 مساءً
 
الدجاج بقاعته اللي اعرفه
تجيبين دجاجه مقطعه 8 قطع تفركينها بالملح والخل عشان الزفره وتتبلينها بثوم وزنجبيل وبهارات مشكله وهيل وقرفه وفلفل اسود وملح كلها تتبل عدل والافضل تشيلين الجلد
اقلي الدجاج حتى يتحمر شوي
حطي بالقدر مال الطبخ نتفة زيت ورشي 2 بصله مقطعه شرايح رفيعه وصفي الدجاج وانثري كم حبة ثوم عدلين عليه تكونين غاسله الرز وناقعته حطي الرز عليه وتكونين غاليه ماي مذوبه فيه ماجي و مطيبت بعود دارسين وكم حبة هيل وملقه صغيره كركم عشان يلون العيش
تسقينه بالماي وعلى نار قويه طبعا الماي يكون اعلى من الرز ب سم وبس يقل الماي خففي النار عليه واتركيه ينضج
ترى تنفع مع السمك الهامور ومع اللحم
وقبل التقديم يقلب مثل المقلوبه بس يستريح 10 دق بعد ما تسكرين عليه
07-01-1426 هـ, 04:57 مساءً
 


الساعة الآن 09:06 .