تسلمييين عالرد اختي ماكو اسامي... وش دعوه وين الاسامي ؟؟؟

يعطيك العافيه عالتوضيح ..
07-01-1426 هـ, 05:45 مساءً
 
هلا اختي مجروحه

هذي طريقتي ل( دجاج في قاعته ) ونسميه بعد ( مشوي الجدر )

1 - تجيبين 2 كوب رز تغسلينه ثم تسلقينه بماء مع ملح ودارسين وهيل ثم تصفينه .

2 - تغسلين الدجاج بعد ما تقطعينه وبعدين تدعكينه بالثوم المهروس بالملح والبهارات .

3 - تحطين الدجاج بالقدر وتحمرينه مع الزيت قليلا ثم تحطين بطاط مقطع حلقات سميكه

وتحمرينه ثم حلقات بصل وفلفل اخضر وتقلبينه شويه واخيرا تحطين الطماطم المقطعه

+ ربع كوب ماء حار وتغطين القدر حتى ينضج الجميع .

4 - يضاف الرز ويرش الوجه بالزعفران المنقوع بالماء او ماء الورد ويترك على نار هادئه

حتى يتسكر .



وهذي طريقتي ل ( السمك المقلي )

1 - ينظف السمك ويقطع حسب الرغبه ويغسل جيدا عده مرات ثم يرش بالملح ويدعك

ويترك نصف ساعه او اكثر حتى يروح الزفر .

2 - يغسل جيدا ويترك بالمصفاه حتى ينشف من الماء قليلا ثم يرش ببهارات السمك والملح

او تعملين خلطه بهارات ( كزبره وكمون محمص ومطحون + كركم شويه + بهارات مشكله

+ ملح )

3 - يسخن الزيت ثم نضع السمك ويغطى بغطاء قدر ونشوفه كل شويه لما يتحمر من الاسفل

ثم يقلب ونفس الطريقه وبعد ما ينضج تحطينه بالمصفى حتى ينزل الزيت الزائد

وبعدين تحطين على ورق نشاف بالفرن .

وان شاء الله تنجح معاك هالمره يا مجروحه انا عطيتك الطريقه بالتفصيل الممل.

11-01-1426 هـ, 10:09 صباحاً
 
تسلميييين يالغاليه على الرد والتوضيح و****لله بجرب السمك وارد لك .. لكن عندي سؤال اذا ممكن ... الزيت اللي اقلي فيه السمك احطه على نار هاديه والا عاليه ؟
واخلي الزيت يسخن مره والا احط السمك وهو بارد شوي؟
12-01-1426 هـ, 03:38 مساءً
 
هلا والله , خلي الزيت على حراره عاليه يعني لازم يكون حار . اذا حطيتي السمك والزيت بارد راح يتشرب الزيت

وايد .
13-01-1426 هـ, 11:44 صباحاً
 


الساعة الآن 07:56 .