Analysis Services
السلام عليكم

انا هدخل في الموضوع

اول شي انا متزوجة وساكنة في مدينة غير مدينة اهلي يعني ماقدر اشوفهم الا بعد شهر او اكتر والحين ماقدر الا في الاجازات لانه ولدي دخل المدرسة

مو موظفة ومافكرت ادور لاني ام وصعبة اسيب عيالي لوحدهم وماعندي شغالة واصلا اتعقدت من الشغالات ومن مشاكلهم ومستحيل اسيبهم معاهم

شايلة البيت والعيال صح مسؤولية واصلا مالاقي وقت يدوب تنظيف ورعاية للاولاد

زوجي كل فترة يسافر لمدينة تانية داخل المملكة بحكم شغله ومستحملة عشان مو لاقين وظيفة غيرها

ماعرف جيران واصلا الجيران مايسألوا فيه وحدة عزمتهاعشان نتعرف ورد زوجها على زوجي انها نفاس انا ماكنت ادري وبعدها ماسمعنا اخبار عنها

سلفتي بابها مقابل بابي وعزمتها كم مرة مع اهل زوجي كانت تجي ولا مرة عزمتني هي في حالها ماشفت منها الا كل خير بس باين انها تبغى علاقتها باهل الزوج وانا رسمية حتى مابيننا مكالمات وفي الاعياد بس مسج واحد وخلاص

المشكلة انا طفشت من حياتي كل يوم نفس الشي وحيدة مطحونة في شغل البيت ومع العيال ازعق عليهم اجلس ياولد ..قوم ..زاكر .كل ..شيل لحد مايخلص اليوم وننام

واحيانا يطفح الكيل منهم (الله يهديهم) اتصل على ابوهم اشتكي ساعات يحاول يصبرني وساعات من ضغط العمل يعصب منهم ويقوللي انا بعيد ماقدر اسوي شي بس تقهريني وخلاص

بيكون حابة افضفض لاني لو ماتكلمت ممكن انفجر

انا حتى صديقاتي انقطعت عنهم لانهم بعيد ولو رحت عند اهلي صعب اروح للناس لان عيالي صغار

بالله اللي نفس حالتي اش تسووا غير شغل البيت وتربية العيال

ابغى افكار اسويها لنفسي لو ساعة في اليوم

هوايات اي شي

اللي مخوفني لانه الشيطان مترصدلي من اسبوع مدخل فكرة الشات في عقلي وانا مابغى الطريق دا

انا فعلا حاسة بوحدة وملل قاتل

اعطوني افكار ممكن تتنفذ وانا بين عيالي الله يخليهم ليا

طبعا ممكن تقولوا هوايا خلطات ومدري ايش مشكلتي حاسة اني وحييييييدة واني زي المطلقة من المسؤوليات اللي شايلتها

مدري دا اكتئاب ولا ايش يمكن لاني نافس حتى في النفاس بعيد عن اهلي

ولو ماعندكم حلول انا مكتفية بدعوة حلوة في ظهر الغيب براحة البال وبصلاح ابنائي
23-12-1431 هـ, 05:58 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الحال من بعضه بس ابتعدي عن الشات وكل ما وسوس لك الشيطان استغفري ربك
23-12-1431 هـ, 06:02 صباحاً
 
موووووووووفقه
23-12-1431 هـ, 06:02 صباحاً
 
الله يعينك
23-12-1431 هـ, 06:07 صباحاً
 
نفس مشكلتي أعاااااااااااني من الروتين وأشتكي لزوجي بس ماعندك أحد..

الله يعينك ويعيننا..
23-12-1431 هـ, 06:09 صباحاً
 


الساعة الآن 07:26 .